Berisha bën deklaratën e fortë: Rama kërkon të bëjë kurban Peleshin për inceneratorët

21 Korrik 2023, 12:34, Aktualitet CNA

Berisha bën deklaratën e fortë: Rama kërkon të

Ish-kryeministri Sali Berisha ka bërë një deklaratë të fortë në konferencën për shtyp ku është shprehur se kryeministri Edi Rama kërkon të bëjë kurban ministrin Niko Peleshi në lidhje me aferën e inceneratorëve.

Sipas Berishës, Rama i ka dhënë autorizimin Peleshit për të firmosur për lejen e ndërtimit të inceneratorit të Elbasanit.

Berisha thekson se autorizimi që ka dhënë Rama nuk e përjashton nga ajo që ai është përgjegjësi kryesor për firmosjen e asaj leje.

Deklarata e plotë e Sali Berishës:

Në ditën e një debati publik që pritej nga mbarë shqiptarët për arratisjen e shekullit arratisjen e zyrtarit më të lartë të qeverisë, Edi Rama i tmerruar ia mbathi 150 km nga Tirana, u struk te një sherolet dhe dëgjonte Belindën.

Ishte një akt i turpshëm, burracaku. Një akt që një njeri, i cili njeh shtetin nuk mund ta bëjë kurrë, por Rama nuk ka standard moral, nuk ka ligj, nuk ka etikë, ndaj dhe veproi kështu.

Ai e shtyu mocionin, por mocioni do ta ndjekë atë dhe asgjë nuk mund të mposhtë vullnetin e opozitës për të mbrojtur kushtetutën.

Porpaganda e tij po bën të pamundurën për të nxjerrë megaaferën e shekullit si një aferë të Zoto-Mërtiri.

Shpërdan dokumente ku thotë se arrin deri aty sa do të bëjë kurban Niko Peleshin se ka firmosur ai për procedurën dhe s’kam firmos unë. Është një përpjekje mjerane e Edi Ramës.

Së pari, Edi Rama është kokë e këmbë dhe me firmën e tij i zhytur dhe kryesor në aferën e djegësve. Këtu kam një vendim të dates 2.11.2014 Edi Rama me firmën e tij rishikon buxhetin afatmesëm dhe fut në këtë rishikim djegësin e Elbasanit, kontrata për të cilën do të firmosej vetëm një muaj më vonë. Kjo është shkresë e datës 2 nëntor në një kohë kur kontrata është firmosur ditën fatale të qeverirsë për djegësit 16-17 dhjetori.

Së dyti, Edi Rama është personi që ka firmosur lejen e ndërtimit të djegësit të Elbasanit. Keni këtu të firmosur lejen e ndërtimit të inceneratorit të Elbasanit.

Tre, Edi Rama pretendon se do të bëjë kurban Peleshin. Peleshi është, mos e diskutoni, por është Rama, se Peleshi ka firmosur në një shkresë ku thotë se në mungesë dhe me porosi. Për kryeministrin e vendit nuk mund të firmosë kush kurrë. Mund të jenë 5 zv.kryeministra, por asnjëri asnjëherë nuk mund të firmos për kryeministrin nëse nuk është i autorizuar nga kryeministri. Autorizimi për fimën në dokument është përgjegjësi për kryeministrin. Autorizimi që firmos kryeministri e bën pa dallim sikur ka firmosur vetë. Këshilli i Ministrave me kushtetutë kryesues ka kryeministrin.