web counter
LEXO PA REKLAMA!

SHKARKO APP

E fundit!

x

Petrit Vasili paraqitet në SPAK

21 Korrik 2023, 10:37, Aktualitet CNA

Petrit Vasili paraqitet në SPAK

Nënkryetari i Partisë së Lirisë, Petrit Vasili, është paraqitur në SPAK këtë të premte, për akuzat e lobimit të LSI-së në SHBA. 

Petrit Vasili është thirrur në SPAK nga prokurori Sotir Kllapi, për të dhënë sqarime në lidhje me hetimet e nisura për lobimin e LSI-së me dyshimin se ka përdorur në fushatën elektorale para që nuk justifikohen.

Mësohet se në kallëzimin penal të dorëzuar në SPAK, të publikuar nga mediat, raportohet se Vasili, si përfaqësues i LSI-së, ka firmosur një nga kontratat e lobimit me kompaninë Global Security and Innovative Strategies, në 3 shkurt 2016, ku janë paguar 123 mijë USD, për t’i mundësuar takime ish-kreut të LSI-së, Ilir Meta me anëtarë të Kongresit në SHBA. Po kështu për t'i mundësuar takime Metës edhe me zyrtarë të Departamentit të Drejtësisë dhe të Departamentit të Shtetit.

Dyshohet se ky shpenzim nuk është deklaruar as nga LSI-ja në KQZ dhe as nga Ilir Meta, Monika Kryemadhi dhe Petrit Vasili në ILDKPKI.

Sipas kallëzuesit, Halit Valteri jemi para veprave penale të pastrimit të parave, fshehjes së pasurisë, korrupsionit dhe falsifikimit.

Për këto akuza është thiurr më herët në Prokurorinë e Posaçme edhe Endrit Braimllari. 

 

 





Lajmet e fundit nga