web counter
LEXO PA REKLAMA!

SHKARKO APP

App Store
Google Play

E fundit!

x

Pezullimi i fondeve për bujqësinë nga BE për shkak të korrupsionit/ Krifca: Nuk është lajm i ri

20 Korrik 2023, 16:07, Aktualitet CNA

Pezullimi i fondeve për bujqësinë nga BE për shkak të

Për ministren e Bujqësisë Frida Krifca nuk është një lajm i ri që AZHBR është nën hetim nga BE për mashtrim.

Sot në Kuvend, Krifca ka folur për pezullimin e fondeve të BE për Bujqësinë në Shqipëri.

Ajo tha se lajmi ka qenë për pezullimin e pagesës së radhës si një masë preventive nga drejtoria e Përgjithshme e Bujqësisë në Bruksel që e ka marrë me qëllimin për sqarimin e rrethanave për parandalimin e mashtrimit.

Krifca u shpreh se sistemi i menaxhimit të fondeve dhe procedura e ndjekur nga agjencia janë ato të akredituara nga BE.

Gjithashtu shtoi se programi nuk është ndaluar.

“Çdo fjalë u përdor nga opozita si barut për t’i vënë flakën çdo gjëje të mirë që është bërë. Dje nuk ka pasur një lajm të ri, lajmi se AZHBR është vënë në hetim nga BE-ja për mashtrim është që nga shkurti i vitit 2021.

Lajmi ka qenë për pezullimin e pagesës së radhës si një masë preventive nga drejtoria e përgjithshme e bujqësisë në Bruksel, e ka marrë me qëllimin për sqarimin e rrethanave për parandalimin e mashtrimit. 

Në atë letër nuk përdoret fjala korrupsion. Nuk mund të komentoj asnjë nga këto rrethana. Mund të siguroj se sistemi i menaxhimit të fondeve dhe procedura e ndjekur nga agjencia janë ato të akredituara nga BE-ja. 

Nëse këto procedura janë cenuar për shkak të zhvillimeve të ndryshime, imponojnë përmirësimin e tyre ne jemi të interesuar më shumë se kushdo për të bashkëpunuar me OLAF për të korrigjuar ato menjëherë. Sqaroj se programi nuk është ndaluar. Autoritetet janë në punë dhe me partneritet të plotë me strukturat e BE-së”, tha Krifca.





Lajmet e fundit nga