web counter
LEXO PA REKLAMA!

SHKARKO APP

App Store
Google Play

Opozita e kërkon në Kuvend/ Rama e injoron, flet për situatën Kosovë-Serbi

20 Korrik 2023, 12:01, Aktualitet CNA
Opozita e kërkon në Kuvend/ Rama e injoron, flet për
Edi Rama

Opozita ka kërkuar në Kuvend, kryeministrin Edi Rama, për t'u përballur dhe për të diskutuar mbi projektligjet që pritet të miratohen sot, si dhe për aferën e inceneratorëve.

Numri një i qeverisë duket se ka injoruar kërkesën e opozitës në seancën e fundit parlamentare, duke shkruar në "Twitter" për situatën në Kosovë dhe Serbi.

Në një postim në "Twitter" ai shkruan se BE-ja duhet të veprojë me vendosmëri për të siguruar një zbatim të shpejtë të Marrëveshjes Themelore, pasi rajoni nuk mund të bëhet peng i një krize të pafund mes Kosovës dhe Serbisë.

“BE-ja duhet të veprojë me vendosmëri për të siguruar një zbatim të shpejtë të Marrëveshjes Themelore. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as Kosova Veriore, ku kufiri mes krimit të organizuar dhe politikës vendore është i paqartë, të bëhet një Donbas i vogël nga ngritja e nxitur nga Rusia dhe as Dialogu të bëhet një lojë fajësimi e Ballkanit të Vjetër, nga mungesa e një vullneti real dhe të fortë të palëve të përfshira në të! Diskutimet janë të mira, por ajo që i nevojitet rajonit është një përparim para se të jetë tepër vonë”, shkruan Rama./ CNA





Lajmet e fundit nga