LEXO PA REKLAMA!

SHKARKO APP

Mjeku Sallabanda tregon “çelësin”/ 3 gjërat që duhet të bëjë për të frenuar ikjen e mjekëve

19 Korrik 2023, 22:34, Aktualitet CNA
Mjeku Sallabanda tregon “çelësin”/ 3 gjërat që
Mjeku Kita Sallabanda

Mjeku i njohur shqiptar që punon në Spanjë, Kita Sallabanda, ka folur mbrëmjen e sotme për vendimin e Qeverisë, për të bllokuar 5 vite diplomat e studentëve të mjekësisë, që të frenojë largimin e tyre.

Sallabanda tregoi në një intervistë me Erla Mëhillin “çelësin” që duhet të përdorë Qeveria për të ndalur largimin e mjekëve.

Ai deklaroi se duhet të krijohet një politikë shëndetësore që të drejtat e studimit për mjekësi të jepen nga ata studentë që janë nga zona të thella të vendit.

Sallabanda theksoi se gjithashtu, duhen krijuar kushtet për jetesën e mjekëve në fshatra, si dhe duhen krijuar kushtet në qendrat mjekësore.

“Çfarë po bëhet në shtetet e Europës Perëndimore dhe vendet e tjera që janë të varfra? Po krijohet një politikë shëndetësore që të drejtat e studimit për mjekësi të jepen nga ata studentë që janë nga zona të thella të vendit, që domethënë nëse në Pukë, ka nevojë për mjekë, shumica e mjekëve që të pranohen në Fakultetin e Mjekësisë të jenë nga ajo zonë, pra të krijohen disa kushte për të favorizuar futjen e mjekëve në ato zona të cilat mungojnë mjekët.

E dyta, çfarë bëjnë për t’i mbajtur mjekët nëpër fshatra? Ju krijojnë kushte, ju japin shtëpi, krijojnë atë që quhet shtëpi e mjekut dhe ata banojnë në shtëpitë e shtetit dhe kur mbarojnë ciklin e tyre të punës kthehen.

E treta dhe është shumë e rëndësishme, qendrat shëndetësore duhet të jenë të gjitha të pajisura me elementet e domosdoshme që mjekët të punojnë”, nënvizoi ai./ CNA.al

Lajmet e fundit nga