LEXO PA REKLAMA!

SHKARKO APP

"Nuk pranojmë ne internim", studentët e Mjekësisë protestë para Kuvendit

20 Korrik 2023, 09:35, Aktualitet CNA

"Nuk pranojmë ne internim", studentët e Mjekësisë

Mëngjesin e së enjtes studentët e Mjekësisë po zhvillojnë protestën e radhës para Kuvendit, pasi kundërshtojnë projektligjin për mbajtjen peng të diplomave 5 vite nga shteti.

"Nuk pranojmë ne internim. Lini të vendosë drejtësia. Koston e mban veç prindi im", shprehen njëzëri studentët, të cilat janë të rrethuar nga forcat e policisë. 

Në seancën e sotme të Kuvendit pritet të votohet projektligji për studentët dhe Mjekësisë dhe projektligji për kanabisin mjekësor. 

Pak ditë më parë, Komisioni i Edukimit dhe Mjetet e Informimit Publik votoi me 9 vota pro, 7 kundër dhe 1 abstenim projektligjin për studentët e Mjekësisë.

Miratimi i ligjit u kundërshtua ashpër nga deputetja e PD-së, Flutura Açka, e cila e cilësoi si ligj për oligarkët. 

Të pranishëm në seancë dëgjimore ishin edhe studentët e mjekësisë, të cilët u bënë thirrje deputetëve të mos votojnë pro për të mbajtur peng diplomat, ndërsa paralajmëruan bojkot të vitit të ri akademik.

 

 

 

Lajmet e fundit nga