web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi shpall vakancat për 6 anëtarë të KLGJ-së dhe KLP-së

20 Korrik 2023, 13:18, Aktualitet CNA

Kuvendi shpall vakancat për 6 anëtarë të KLGJ-së dhe

Të enjten Kuvendi i Shqipërisë ka shpallur vakancat për 6 anëtarë të KLGJ-së dhe KLP-së nga radhët e avokatëve dhe organizatave të shoqërisë civile.

Kuvendi sqaron se janë shpallur dhe kanë nisur procedurat për plotësimin e 2 vendeve vakante nga radhët e avokatëve dhe 1 nga organizatat e shoqërisë civile në KLGJ, si dhe 2 vendeve vakante nga radhët e avokatëve dhe 1 nga organizatat e shoqërisë civile në KLP.

"Kuvendi i Shqipërisë, bazuar në ligjin nr.115/2016 “Për organet e qeverisjes së sistemit të drejtësisë” i ndryshuar” ka nisur procedurat për zëvendësimin e 6 anëtarëve të Këshillit të Lartë Gjyqësor dhe Këshillit të Lartë të Prokurorisë, të cilëve u përfundon mandati në Dhjetor 2023.", thuhet në njoftimin e Kuvendit. 

Sipas njoftimit të publikuar në faqen zyrtare web të Kuvendit, të interesuarit për të kandiduar dhe që plotësojnë kushtet e parashikuara në legjislacionin përkatës, duhet që brenda datës 5 gusht 2023, të shprehin interesin e tyre përmes një kërkese me shkrim drejtuar Avokatit të Popullit.

"Në linkun: https://parlament.al/lajme/9564ad13-9df6-4dda-8a9d-afde23e070d4 dhe https://parlament.al/lajme/912a6c9a-cb43-45de-976c-d1c6fa13387f,
të interesuarit mund të gjejnë kushtet që duhet të plotësojnë dhe të gjithë dokumentacionin e nevojshëm që duhen dërguar në adresën elektronike [email protected], si dhe në adresën postare të Avokatit të Popullit.", njofton Kuvendi. 

 

 

 





Lajmet e fundit nga