LEXO PA REKLAMA!

SHKARKO APP

Kaos në Kuvend/ Felaj ndërpret seancën

20 Korrik 2023, 12:55, Aktualitet CNA

Kaos në Kuvend/ Felaj ndërpret seancën

Zëvendëskryetarja e Kuvendit, Ermonela Felaj, është detyruar të ndërpresë seancën parlamentare për 30 minuta për shkak të protestës së opozitës dhe bllokimit të foltores nga ana e tyre.

Nga debatet dhe tensionet e krijuara si dhe kërkesat e opozitës për të nxjerrë nga rendi i ditës projektligjin për studentët dhe kanabisin, si dhe kërkesa që studentët të bëhen pjesën e Kuvendit për të diskutuar për projektligjin, ka bërë që Felaj të ndërpresë seancën për shkak të kaosit të krijuar.

 “Në kushtet në të cilat po vijon kjo seancë në bazë të nenit 52 vendos ta ndërpres seancën për 30 minuta.” deklaroi zv. kryetarja e parlamentit.

Një nga çështjet që shkaktoi shumë debate të forta në parlament ishte ajo e inceneratorëve, pasi deputetët e opozitës kërkuan mocion debati urgjent për këtë çështje, e cila u rrëzua në mbledhjen e Konferencës së kryetarëve.

Opozita ka kërkuar që kryeministri Edi Rama të shkojë në parlament, të përballet dhe të diskutojë mbi aferën e inceneratorëve./ CNA

Lajmet e fundit nga