web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk kursen Bashën: Peng i Ramës, mund t’i presë kur të dojë fletën e arrestit

21 Korrik 2023, 13:43, Aktualitet CNA

Berisha nuk kursen Bashën: Peng i Ramës, mund t’i presë kur

Ish-kryeministri Sali Berisha është shprehur se, Lulzim Basha është në një mision si peng i vërtetë i Edi Ramës, ku ky i fundit mund t'i presë kur të dojë fletën e arrestit me afat burgimi për 6 vite.

Berisha tha se Basha e ka zhveshur veten nga frika që nga burgu dhe është shndërruar në një vegël të verbër të Ramës.

Nga ana tjetër, ish-kryeministri nënvizoi se me pjesën tjetër të grupit të vulës mund të gjejë mirëkuptim pasi ata kanë mbajtur qëndrim të drejtë dhe parimor ndaj primareve.

“Basha është në një mision si peng i vërtetë, si një njeri që Rama kur të dojë i pret fletën e arrestit. Unë shpresoj se me grupin tjetër, ne do gjejmë mirëkuptim të plotë. Sepse ata, siç e kam theksuar, kanë mbajtur qëndrim të drejtë dhe parimor ndaj primareve.

Ky qëndrim është qëndrim ndaj një parimi themelor të PD-së. Kurse me pengun e Edi Ramës, vetëm kur të pranojë Edi Ramën në koalicion, apo në bashkëpunim, mund të pranojë pengun e tij.

Lul Basha është në një mision si peng i vërtetë, si një njeri që Edi Rama kur të dojë i pret fletën e arrestit me afat burgimi minimumi 6-vjeçar.

Nuk mund të ketë. Ai e ka zhveshur veten për shkak të frikës që ka nga burgu dhe është shndërruar në një vegël të verbër të Edi Ramës”, tha Berisha./ CNA





Lajmet e fundit nga