web counter
LEXO PA REKLAMA!

SHKARKO APP

App Store
Google Play

Fluksi i turistëve dhe temperaturat ekstreme/ Balluku merr masa për menaxhimin e energjisë gjatë sezonit veror

21 Korrik 2023, 13:08, Aktualitet CNA

Fluksi i turistëve dhe temperaturat ekstreme/ Balluku merr masa për

Zëvendëskryeministrja Belinda Balluku në një konferencë për shtyp ka bërë me dije se po merren masa për përballimin e sezonit veror sa i përket ofrimit të shërbimit.

Ajo ka theksuar se ka dy komponentë kryesorë që janë sfidues për ta, fluksi i turistëve dhe temperaturat ekstreme të cilat mund të shkaktojnë probleme teknike.

Sipas Ballukut, masat janë marrë që të mos ketë shkëputje të gjata të energjisë elektrike duke qenë se nga Velipoja në Ksamil ka një dyndje të turistëve.

Ajo shtoi se do të diskutohet rajon më rajon për të gjithë situatën dhe do të marrin masa që do të zgjasin deri në fund të sezonit.

"Kemi marrë masa për përballimin e sezonit veror, sa i përket ofrimit të shërbimit që bëni se kemi dy komponentë të rëndësishëm, kemi një fluks të turizmit, ka zona në qytetet bregdetare, nga Velipoja në Ksamil, të cilat bëhen mikpritëse të shumëfishta të banorëve që e bëjnë sfidues shërbimin tonë. Temperaturat ekstremisht të larta do të krijojnë probleme teknike, e kemi pasur këtë sfidë javës së fundit. Masat janë marrë për të pasur shkëputje sa më të shkurtra. Do të diskutojmë rajon për rajon gjithë situatën. Do të marrim masa se si do të shkojmë deri në fund të sezonit", tha Balluku./ CNA





Lajmet e fundit nga