web counter
LEXO PA REKLAMA!

SHKARKO APP

App Store
Google Play

E fundit!

x

Përgëzoi policinë, Balla: Goditje më të forta po vijnë, kanabisi burim financash për organizatat kriminale

5 Gusht 2023, 13:46, Aktualitet CNA

Përgëzoi policinë, Balla: Goditje më të forta po

Ministri i Brendshëm, Taulant Balla ka  ka përgëzuar policinë për punën e bërë në megaoperacionin policor antikanabis të koduar “FOKUSI” gjatë kësaj jave si dhe thotë se goditje më të forta do të vijnë.

Falë këtij megaoperacioni u arrestuan 12 persona, mes tyre dhe punonjës të shtetit dhe 10 të tjerë të proceduar penalisht, si dhe janë asgjësuar deri sot në mëngjes mbi 17 mijë bimë.

Balla thotë se kultivimi i paligjshëm i kanabisit ka qenë një burim financash për organizatat kriminale dhe ky burim duhet shuar përfundimisht.

“Lufta kundër kultivimit, trafikimit dhe shpërndarjes së lëndëve narkotike do të jetë sistematike. Shqiptarët presin një pastrim të territorit tonë nga kultivimi i paligjshëm i bimëve narkotike. E përgëzoj sot Policinë e Shtetit e cila si asnjëherë më parë ka angazhuar në këtë mega-operacion kombëtar më shumë se 6000 forca policie dhe 75 dronë të cilësisë së lartë. Deri në këtë moment janë arrestuar 12 persona, mes tyre dhe punonjës të shtetit dhe 10 të tjerë të proceduar penalisht, asgjësuar deri sot në mëngjes mbi 17 mijë bimë cannabis sativa, si dhe janë sekuestruar shuma të konsiderueshme parash si dhe armë e sende të tjera të kundërligjshme. Kultivimi i paligjshëm i kanabisit ka qenë një burim financash për organizatat kriminale. Ky burim duhet shuar përfundimisht. Goditje të tjera më të forta po vijnë.”/CNA.al





Lajmet e fundit nga