web counter
LEXO PA REKLAMA!

SHKARKO APP

App Store
Google Play

E fundit!

x

Festa e Birrës/ Grupi NO MERCY vjen më 18 Gusht në Korçë

5 Gusht 2023, 23:00, Aktualitet CNA

 

Festa e Birrës/ Grupi NO MERCY vjen më 18 Gusht në

Festa e Birrës, festa më e madhe dhe më popullore e stinës së verës në Shqipëri do të hapë siparin edicionit të 17-të në gjysmën e dytë të muajit gusht.

Festa e Birrës, e cila zgjat 5 ditë, do të mbahet në datat 16-20 gusht te Terminali i Autobusëve.

E konfirmuar tashmë si një nga eventet më të mëdha dhe organizimet më serioze në Shqipëri, me impakt të madh në zhvillimin e turizmit dhe ekonomisë lokale, festa edhe këtë vit pritet të thyejë rekordet e vizitorëve nga brenda dhe jashtë Shqipërisë që zgjedhin Korçën si destinacion.

Në 5 netë, argëtimi nis në orën 19:00, ndërsa për të performuar artistët do të ngjiten në skenë në 20:00 për të vijuar deri në mesnatë.

Në këtë festë tashmë tradicionale për vendin tonë, në datë 18 Gusht vjen një nga grupet muzikore më të famshme të viteve ‘90, NO MERCY.

No Mercy është grup i përbërë nga 3 këngëtarë amerikanë të cilët fillimisht u mblodhën në Gjermani nga producenti Frank Farian. Grupi përbëhet nga Marty Cintron i lindur në Bronx dhe vëllezërit binjakë Ariel dhe Gabriel Hernández, të lindur në Miami.

Ky grup i muzikës pop ka dominuar skenat muzikore në SHBA dhe jo vetëm, përgjatë viteve 90.

Me rastin e Festës së Birrës në Korçë vendi ynë ka privilegjin të presë këtë grup ikonik për herë të parë, duke e bërë kështu festën e birrës dhe më të paharrueshme./CNA.al





Lajmet e fundit nga