web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi akuza Veliajt për betonizimin e Tiranës/ “Hajdut i hapësirave publike”

6 Gusht 2023, 21:41, Aktualitet CNA

Këlliçi akuza Veliajt për betonizimin e Tiranës/

Ish-kandidati për kryetar bashkie në Tiranë Belind Këlliçi, ka sjellë në vëmendje një postim të tijin në rrjetet sociale të bërë 10 muaj më parë, ku akuzonte kryebashkiakun e Tiranës Erion Veliajn për betonizimin e Tiranës dhe specifikisht për projektimin e lulishtes mes pallateve 9-Katëshe dhe Teatrit të Operës dhe Baletit, si një vend ndërtimi për kulla.

Përmes një postimi në rrjetet sociale Këlliçi shkruan se nga sot, zyrtarisht fëmijët dhe nënat e shumta që frekuentonin  këtë lulishte, nuk do ta kenë më as ishullin e fundit të gjelbër brenda perimetrit urban të Tiranës.

Ndër të tjera ai e cilëson Veliajn si armik të Tiranës, dhe se ky i fundit duhet dalë përpara drejtësisë.

"10 muaj më parë kur denoncova shkatërrimin e lulishtes së fundit në Tiranë, shumëkush nuk e mori seriozisht.
Nga sot, zyrtarisht fëmijët dhe nënat e shumta që frekuentonin këtë lulishte, nuk do ta kenë më as ishullin e fundit të gjelbër brenda perimetrit urban të Tiranës.
Erion Veliaj ky armik i qytetit tonë, ky hajdut i taksave dhe hapësirave tona publike, shumë shpejt do duhet të dalë përpara drejtësisë."-shkruan Këlliçi./CNA.al





Lajmet e fundit nga