LEXO PA REKLAMA!

SHKARKO APP

Forumi Qytetar, në mbrojtje të Dritan Goxhajt/ Peticion online për lirimin e ish-ushtarit të UÇK-së

6 Gusht 2023, 12:13, Aktualitet CNA
Forumi Qytetar, në mbrojtje të Dritan Goxhajt/ Peticion online
Ish-ushtari i UÇK-së, Dritan Goxhaj

Më 31 korrik, autoritetet e Shqipërisë arrestuan në Tiranë ish-ushtarin e UÇK-së, Dritan Goxhaj, për llogari të Gjykatës Speciale të Kosovës, e cila e kishte shpallur në kërkim.

Por, së fundmi Forumi Qytetar ka dalë në mbrojtje të çështjes së Dritan Goxhajt dhe ka krijuar një peticion online.

Forumi Qytetar ka ftuar shqiptarët që të nënshkruajnë virtualisht peticionin, për të kërkuar lirimin e ish-luftëtarit të UÇK-së dhe mos-ekstradimin e tij drejt Hagës. Deri më tani këtë peticion e kanë firmosur 609 persona.

Edhe grupi “Krahu i Shqiponjës” ka dalë krah ish-luftëtarit të UÇK-së. “Krahu i Shqiponjës” ka paralajmëruar sot një protestë përpara Kryeministrisë në orën 16:00, kundër arrestimit të Dritan Goxhajt.

Kujtojmë se Gjykata Speciale e Kosovës e akuzon Goxhajn se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës.

Gjykata e Tiranës caktoi ma “40 ditë arrest me burg” nga Gjykata e Tiranës. Ndërkohë, arrestimi i tij ka si qëllim ekstradimin drejt Dhomave të Specializuara./ CNA.al

Lajmet e fundit nga