E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Festa e Birrës në Korçë/ Kryebashkiaku Filo zbulon disa nga surprizat e eventit

6 Gusht 2023, 17:42, Aktualitet CNA

Festa e Birrës në Korçë/ Kryebashkiaku Filo zbulon disa

Vetëm 10 ditë na ndajnë nga festa më e lakuar dhe e shumëpritur për Shqipërinë gjatë stinës së verës, Festa e Birrës në qytetin e Korçës.

Për 5 netë më radhë, në datat 16-20 gusht, Bashkia e Korçës do të organizojë Festën e Birrës, e cila shënon kulmin e sezonit turistik për qytetin.

Ashtu si edhe vitet e tjera, Festës së Birrës do t'i bashkohen emra të njohur të muzikës shqiptare, por jo vetëm.

E konfirmuar tashmë si një nga eventet më të mëdha dhe organizimet më serioze në Shqipëri, me impakt të madh në zhvillimin e turizmit dhe ekonomisë lokale, festa edhe këtë vit pritet të thyejë rekordet e vizitorëve nga brenda dhe jashtë Shqipërisë që zgjedhin Korçën si destinacion.

Kryetari i Bashkisë Korçë, Sotiraq Filo ka theksuar se do të jetë fantastike mbrëmja e së premtes në Festën e Birrës në Korçë.

Filo ka bërë me dije se skenën si çdo vit edhe kësaj here me artistë të njohur, do ta pasurojnë edhe dyshja LA BOUCHE, e cila do të performojë më datën 18 gusht.

La Bouche është një dyshe gjermano-amerikane e njohur më së shumti për hitet "Be My Lover", "Sweet Dreams", "You Won't Forget Me" dhe "S.O.S". Kjo dyshe u bashkua në vitin 1994 nga producenti diskografik Frank Farian në Frankfurt am Main.

Po ashtu, skenës më vitale për 5 ditë me radhë, me artista të shumënjohur, do t’i bashkohet dhe diva e muzikës shqiptare, Elvana Gjata, duke bërë që kjo festë personifikuese për Korçën dhe Shqipërinë të jetë një ekperiencë unikale.

Ndër të tjera, kreu i bashkisë Korçë, ka bërë me dije se Festën e Birrës do e bëjë dhe më të larmishme dhe ylli i muzikës greke Despina Vandi, që do të performojë më 19 gusht.

Kjo artsite e madhe vlerësimi për të cilën është konkretizuar me dhënien e tre Arion Music Aëards , dhjetë MAD Video Music Awards, shtatë Pop Corn Music Aëards dhe një World Music Award, do të elektrizojë skenën gjatë Festës së Birrës./CNA.al