LEXO PA REKLAMA!

SHKARKO APP

Rilindasi Alqi Bllako, kyçi i aferës së inceneratorëve

7 Gusht 2023, 11:39, Aktualitet CNA
Rilindasi Alqi Bllako, kyçi i aferës së inceneratorëve
Alqi Bllako

Alqi Bllako është një nga emrat e shumëpërfolur tek afera e inceneratorëve, firma e tij fillon në të gjithë skemën, Elbasan, Fier, Tiranë, në një aferë që shkon qindra miliona euro. Nuk ishte i vetëm, a thua ishte i pamend? A thua e njihte mirë ligjin ky i ri që kishte ardhur me një shkollim të mirë, por i uritur për të mbushur xhepat me aferën e shekullit.

SPAK tashmë e ka pas prangave, ka mundur të sigurojë fakte, prova dhe dokumente që tregojnë si është paguar Alqi Bllako, që nga punësimi i babait të tij Edmond Bllako dhe deri tek blerja e makinerive për fabrikën e tij të birrës në Ersekë. Shpresa se nuk do hapej hetimi për Tiranën dhe gjithçka do mbyllej me disa muaj burg tashmë ka vdekur. 

PAK HISTORI

Alqi Bllako ishtë një djali i ri, i cili ishte shkolluar jashtë, djali i Edmond Bllakos, ky i fundit ish-nënprefekt i Ersekës gjatë qeverisjes së Partisë Demokratike. Në vitin 2012, ai kalon me LSI dhe djali i tij, bashkohet me Metën dhe socialistët në zgjedhjet e 2013. Bëhet zyrtar në kryeqytet duke u atashuar nga Ilir Meta, fillimisht në krah të Lefter Kokës si Sekretar i  Përgjithshëm në Ministrinë e Mjedisit, aty fillon edhe lidhja me aferën e inceneratorëve.

Rilindasi Alqi Bllako, kyçi i aferës së inceneratorëve
Alqi Bllako

Bllako me LSI-në ecën me shpejtësi në shkallët e karrierës, provohet se sprovohet. Firmat e tij, marrëdhëniet e tij janë nga më spektakolaret. Njerëzit i sjell deri në Tiranë, familjarët i punëson në kompanitë kryesore, fillon dhe zhvillon, korrupsionin e tij më inceneratorët. Ilir Meta e mban nga pas, së bashku me Lefter Kokën, sepse tek afera e inceneratorëve, ata që mendojnë se është vetëm PS-ja e kanë gabim. Një nga çelësat e artë të inceneratorëve është Ministria e Mjedisit, drejtuar nga partia e Ilir Metës deri në vitin 2017.

Kontrata e fundit e Tiranës është firmosur prej Lefter Kokës më parë prej Alqi Bllakos. Nuk mund të thotë askush që LSI nuk është përfshirë në aferën e inceneratorëve dhe LSI ka filluar të flasë për të vetëm në vitin 2019, pasi Lefter Koka kaloi tek PS-ja.

 

Rilindasi Alqi Bllako, kyçi i aferës së inceneratorëve

zgjedhjet e vitit 2017, Alqi Bllako mbështet LSI-në si kandidat dhe është një nga njerëzit kryesorë në qarkun e Korçës. LSI-ja në Kolonjë atje ku Alqi garon me partinë e tij, del forcë e dytë politike duke nxjerrë PD-në e Lulzim Bashës forcë të tretë.

Menjëherë pas atyre zgjedhjeve, Alqi Bllako emërohet Sekretari i Përgjithshëm në Presidencë tek Ilir Meta, por pas pak muajsh Bllako shkarkohet.

Meta zbulon një skandal, Sekretari i tij Përgjithshëm spiunonte gjithçka tek Ëngjëll Agaçi, Sekretari i Përgjithshëm dhe krahu i djathtë i Edi Ramës

Pas disa momentesh, Meta kupton se zyrtari që ai besonte dhe e kishte mbështetur ishte një vegël e socialistëve, të cilët e përdoin për të marrë informacione nga presidenti. Ky i fundit kishte filluar ftohjen me Edi Ramën dhe rilindasit kishin filluar të kërkonin informacion me çdo kusht nga godina e Presidentit. 

 

Rilindasi Alqi Bllako, kyçi i aferës së inceneratorëve
Ilir Meta

Më pas kur Ilir Meta e largon duke e akuzuar si tradhtar, spiun, etj, kujdeset vetë Ëngjëll Agaçi dhe Damian Gjiknuri për ta çuar tek Agjencia Kombëtare e Ujësjellës-Kanalizime dhe Infrastrukturës së Mbetjeve.

Bllako shkon si drejton në AKUM, ku fillon spektaklin e tij si “një menaxher i sukseshëm”, duke zhytyr në borxhe ujësjellsat, duke u dhënë pa fund fonde dhe mbështetje kompanive të inceneratorëve.

Bashkëpunimi me Mirel Mërtirin dhe Klodian Zoton vazhdon, tendera, prokurime dhe duke i vërsulur njerëzit e inceneratorëve në ujësjellat e Shqipërisë.

Rilindasi Alqi Bllako, kyçi i aferës së inceneratorëve
Mirel Mërtiri dhe Klodian Zoto

 



Bllako vazhdon aktivitetin e tij dhe në vitin 2020-2021 dhe fillon luftën për të qenë pjesë e listës së deputetëve të PS-së, me një marrëveshje stimiluar nga Ëngjëll Agaçi, mbështetur fort nga Damian Gjiknuri dhe Erion Veliaj. 

Alqi Bllako kandidohet në zonën fituese në listën e qarkut të Tiranës. Mjafton të shikoni listën e PS-së të 2021, Bllako është më lart se Mimi Kodheli, më lart se Fatmir Xhafaj, është brenda kufirit të pritshmërive për emrat e që do të fitonin si deputet brenda listës së PS-së.

Rilindasi Alqi Bllako, kyçi i aferës së inceneratorëve
Ëngjëll Agaçi

Fillimisht Bllako tentoi të ishte në listë në qarkun e Korçës, mesa duket nuk e çau dot duke pasur një aktivitet me PD-në, më pas me LSI-në, në këtë qark, duke blerë vota për LSI në vitin 2017, në vitin 2021 tentoi të ishte kandidat me socialistët.

Në qarkun e Korçës do të binte shumë në sy dhe vëmendja do të ishte shumë e madhe, pandaj dhe u spostua në Tiranë. Mbështetja e Ëngjëll Agaçit, Damian Gjiknurit dhe Erion Veliajt për Alqi Bllkaon ka qenë e pandalshme dhe sidomos në mbledhjes e Kryesisë së PS-së në ato kohë ku ka pasur një debat të fortë, të disa zërave brenda Kryesisë me kryeministrin Edi Rama pikërisht për emrin e Alqi Bllakos.

Në 2021, Alqi Bllako bëhet deputet dhe mbulon Njësinë.1 dhe në atë kohë flitej shumë se Bllako, në atë kohë paguante me rroga nga 600-800 euro njerëzit e organizatave socialite, shpërndante telefona Iphone dhe parfume të shtrenjta për gratë e bazës, shpenzimet ishin me qindra dhe miliona lekë.

Paratë vinin nga korrupsioni i tij, nga korrupsioni që kishte bërë me inceneratorët, korrupsioni që kishtë berë në AKUM dhe nga korrupsioni që kishte bërë në kohën që ishte Sekretar i Përgjithshëm i Ministrisë së Mjedisit.

Karriera i vlejti për të fituar para, me para luftoi për të marrë mandatin, firmosi zullume dhe i sposorizuar politikisht nga njerëzit e inceneratorëve me lidhje të fuqishme brenda PS-së, me eksponentë kryesorë të saj, mundi që të hynte deri deputet dhe përfaqësues i PS-së.

Kjo është rruga që ka ndjekur Alqi Bllako, një nga "çelsat e artë" të aferës të inceneratorëve, një njeri që firmsoi qindra miliona euro të një afere korruptive që tashmë është zbardhur ngsa SPAK dhe është kthyer në krimin dhe korrupsionin më të madh politik të 30 viteve në Shqipëri.

 

 

 

 

Lajmet e fundit nga