LEXO PA REKLAMA!

SHKARKO APP

Kryemadhi “lëshon gojën”: Alqi Bllako, një skuth, hajdut ordiner

5 Korrik 2022, 22:19, Politikë CNA
Kryemadhi “lëshon gojën”: Alqi Bllako, një skuth,
Kryetarja e LSI-së, Monika Kryemadhi

Kryetarja e LSI-së, Monika Kryemadhi, e ka cilësuar Alqi Bllakon si skuth dhe hajdut ordiner.

Këtë deklaratë ajo e bëri gjatë një debati me gazetaren Klodiana Lala, teksa ishin duke diskutuar për aferën e inceneratorëve.

E vënë para përgjegjësisë nga Lala, Kryemadhi tha se nuk e ka fajin ajo për veprimet e Alqi Bllakos, Lefter Kokës dhe Edi Ramës.

“Je gazetare investiguese, shko merri në intervistë të gjithë. Mos u shfokusoni për t'u bërë pjesë e lojës së PS-së për të luftuar njëri-tjetrin. Kjo është pika e dobët dhe jo fajet e Monikës… Unë e kam fajin për Alqi Bllakon, një skuth, hajdut ordiner. Unë  e kam fajin edhe për Lefter Kokën. Unë e kam fajin edhe për Edi Ramën për grabitjet. Unë nuk e dija se nuk më tregonte njeri, se unë jam gruaja e Ilir Metës”, theksoi ajo.

Ndërkohë, kujtojmë se Bllako ka qenë sekretar i Ministrisë së Mjedisit kur ky institucion drejtohej nga Lefter Koka i LSI-së, ndërsa më pas ka mbajtur postin e sekretarit të Përgjithshëm të Ilir Metës në Presidencë. / B.A. – CNA.al

Lajmet e fundit nga