E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Heshti për Lefter Kokën kur ishte ministër/ Kryemadhi justifikohet për aferën e inceneratorëve

5 Korrik 2022, 22:09, Politikë CNA

Heshti për Lefter Kokën kur ishte ministër/ Kryemadhi

Kryetarja e LSI-së, Monika Kryemadhi

Kryetarja e LSI-së, Monika Kryemadhi, është justifikuar për aferën e inceneratorëve, në të cilën është përfshirë ish-ministri i LSI-së, Lefter Koka.

Gazetarja Klodiana Lala pyeti mbrëmjen e sotme Kryemadhin nëse e ndjen veten bashkëfajtore dhe se përse nuk foli më herët për këtë aferë.

Kryetarja e LSI-së fillimisht tentoi t’i shmangej pyetjes, ndërsa më pas ia hodhi përgjegjësinë Lefter Kokës. Ajo tha në emisionin “Open” se për shkak të Kokës, LSI-ja është në këtë situatë.

“Unë të falënderoj shumë. Sa i përket çështjes së inceneratorëve ka filluar që në 2014. Është iniciativë e ministrit Lefter Koka që atëherë përfaqësonte LSI-në, në bashkëpunim me kryeministrin Edi Rama, që atëherë kemi qenë në koalicon dhe kjo është arsyeja pse LSI-ja është këtu ku është. Në rekursin e Gjykatës së Lartë që lëshoi për çështjen e Lefter Kokës, nuk u akuzua LSI apo Monika Kryemadhi për vendimin e paligjshëm, por qeverinë shqiptare dhe disa ministra. Vetëm emrin nuk ia përmendi Engjëll Agaçit që e futi në vendim qeverie dhe e firmosi.

Megjithatë, unë si politikane marr përgjegjësinë që duhet t’i kisha kërkuar më shumë informacion ministrave të LSI. Jam e vetmja që kërkova interpelancë dhe Lefter Kokës i ngeli hatri. Edhe kur isha në Parlament, kur banorët e Fierit më kërkuan të ngrija zërin, isha unë në protestë me popullin e Mbrostarit. Mund të them se sa herë flisja unë për inceneratorët, fjala incenerator në të gjitha portalet e mediat hiqej se paguheshin nga këta të inceneratorëve që të mos thuhej fjala e keqe, por vetëm të thuheshin fjalë djegëse”, theksoi Kryemadhi./ B.A. – CNA.al