web counter
LEXO PA REKLAMA!

SHKARKO APP

App Store
Google Play

E fundit!

x

Balla zbarkon në Vlorë/ I tërheq veshin "peshkaqenit" Sulejmani: Kemi rrjedhje informacioni, do i presim fijet e tradhtarëve

7 Gusht 2023, 15:18, Aktualitet CNA

Balla zbarkon në Vlorë/ I tërheq veshin "peshkaqenit"

Ministri i Brendshëm, Taulant Balla ka zbarkuar këtë të hënë në Vlorë pas denoncimeve të bëra nga CNA për Drejtorin e Kufirit, Eduard Sulejmanin, i cili sulmon bizneset dhe njerëzit e pajisur me dokumente për të marrë haraçin. 

Balla shfaqet në krah të Sulejmanit, por nuk mungojnë kritikat ndaj këtij të fundit, pasi ministri shprehet se ka rrjedhje informacioni. Ai i tërheq veshin "peshkaqenit "Sulejman dhe thekson se janë në rrugën e duhur "për të prerë fijet brenda Policisë së Shtetit që rrjedhin informacion dhe tradhtojnë aksionet e Policisë së Shtetit". 

"Në shumë vite kemi pasur problematika, që lidheshin me rrjedhjen e informacionit brenda strukturës së Policisë së Shtetit dhe kjo sillte për pasojë edhe dështimin e operacioneve tona policore. Unë mendoj që jemi në rrugën e mbarë për të prerë fijet brenda Policisë së Shtetit që rrjedhin informacion dhe tradhtojnë aksionet e Policisë së Shtetit. Sot jemi në fakt në një ditë të hidhur për Policinë e Shtetit, sepse 20 vite më parë, Komisar Gani Malushi, u godit nga dora e krimit. Dhe ndërkohë, 14 vite më parë, në një aksion policor, 4 oficerë të strukturës sonë të posaçme, ranë në krye të detyrës gjatë një operacioni për arrestimin e një personi shumë të kërkuar", thekson Balla. 

Balla nuk ndalet me kaq, por duke thumbur "peshkaqenin Sulejman", thotë do vazhdojnë procesin e vetëpastrimit brenda Policisë së Shtetit për tradhtarët. 

"Kemi mësuar shumë nga gabimet e së shkuarës dhe nuk duhet të tolerojmë që asnjë prej atyre gabimeve të përsëritet më! Kjo ndërthurje kaq e bukur mes gjithë departamenteve tona, bën të mundur që ne të ndërhyjmë në kohë për çdo problematikë", thekson ai më tej.

Ndërkohë, nga reagimi i Ballës ndër rreshta është dhënë mesazhi se puna në Policinë Kufitare lë shumë për të dëshiruar, ku ka probleme edhe me etikën e punonjësve të policisë.

"Këto janë dy momente për të kuptuar që sa herë që kemi problematika të rrjedhjes së informacionit, kjo sjell, do të thoja unë, edhe një karshillëk dhe tradhti ndaj të gjithë atyre që kanë dhënë jetën e tyre si “Dëshmorë të Atdheut”, në radhët e Policisë së Shtetit. Dua t’ju them që veprimet, aksionet, operacionet e ditëve të fundit të Policisë së Shtetit, po ngrejnë dita ditës besimin e qytetarëve. Ne do të vazhdojmë procesin e vetëpastrimit brenda Policisë së Shtetit dhe të jeni të sigurt që kjo do të na sjellë rritjen e besimit të qytetarëve.", shprehet ministri.

CNA ka denoncuar nëpër disa shkrimeve atë çfarë ndodh në bregdetin e jugut, ku operatorë të ndryshëm turistikë ofrojnë shërbime për të lëvizur në det, për të pasur akses në zonat e bukura që ofron Riviera Shqiptare.

Eduard Sulejmani kërcënon dhe shantazhon punonjësit dhe jo vetëm,  të cilët refuzojnë për të punuar me të në mënyrë që të marrin haraçin nga bizneset e ligjshme. 

CNA ka ndjekur me vëmendje sesi "peshkaqeni" është marrë dhe mbrojtur në avokaturë nga mediat e korruptuara të gjobaxhinjve të inceneratorëve, nga kamikazët që sot ndiqen penalisht nga gjykata dhe janë bashkëpunëtorë të krimit, që po hetohen nga drejtësia.

 

 





Lajmet e fundit nga