E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

"Veliaj mendon për kullat, inceneratorët"/ Këlliçi, me banorët e Zallherit: Bashkia ju ka harruar

2 Mars 2023, 10:10, Politikë CNA

"Veliaj mendon për kullat, inceneratorët"/

Kandidati i PD-së për Bashkinë e Tiranës, Belind Këlliçi, ka zhvilluar një takim me banorët e Zallherit ku dhe ka dëgjuar problematikat e tyre.

Gjatë fjalës së tij, ai është shprehur se bashkia i ka harruar banorët dhe se kreu i Bashkisë së Tiranës, Erion Veliaj, mendon për kullat, inceneratorët dhe aferat e korrupsionit.

Belind Këlliçi, me banorët e Zallherit:

Të lënë pas dore tashmë prej vitesh nga bashkia, banorët e Zallherrit shprehën shqetësimet dhe problemet e tyre në një bashkëbisedim për kandidatin e Partisë Demokratike për Tiranën, Belind Këlliçin. Ujë dhe rrugë ishin dy nga kërkesat kryesore nga banorët e fshatit, që thanë se janë lënë në harresë nga institucionet.

"Uji i pijshëm është kryesori, edhe me një degëzim sa të mundeni një asfalt drejt rrugës kryesore", tha një banor.

"Në çdo qytet të bukur të botës kanë një ditë fshatarët që dalin dhe shesin në rrugë dhe me taksë zero", shtoi një tjetër.

"Nuk kemi as rrugë as ujë të pijshëm, dy gjëra kryesore për mbijetesën e njeriut. Ai bën reklamë", tha një tjetër banor.

Kandidati për Bashkinë e Tiranës, Belind Këlliçi, vuri në dukje se Veliaj vetëm propagandon me video dhe foto, "Nuk e di kur është parë Veliaj duke bërë ndonjë punë. Duke bërë ndonjë foto e video e keni parë".

Këlliçi u shpreh se zgjidhja e problemeve të fshatrave të Tiranës do të nisë nga fuqizimi i drejtuesve të njësisë administrative, që do të ketë një rol të veçantë.

"Problemi është këtu duke jua centralizuar çdo gjë Veliaj, te zyra e vet, te sheshi 'Skëndërbej' aty në qendër, ju nuk merrni dot asnjë informacion, asnjë shërbim dhe nuk keni kontakt. Ai e ka mendjen te këto kullat, te katet pa leje te ndonjë aferë korruptive për inceneratorin, te ndonjë leje ndërtimi. Nuk e ka mendjen te qytetari, te fshati te problemet e njerëzve prandaj ka një rol të veçantë kryetari i njësisë administrative", tha ai.

Bashkëbisedimi me banorët e Zallherrit ishte në kuadër të turit "Jam këtu t'ju dëgjoj" të kandidatit të opozitës për Tiranën. Shqetësimet dhe kërkesat e banorëve janë mbajtur shënim dhe në bazë të tyre do të hartohet një program që do të prezantojë zgjidhjet për çdo lagje të Tiranës./CNA.al