LEXO PA REKLAMA!

SHKARKO APP

Berisha e akuzoi për gjobëvënie ndaj Ylli Ndroqit/ Reagon DASH

1 Mars 2023, 22:22, Politikë CNA

Berisha e akuzoi për gjobëvënie ndaj Ylli Ndroqit/ Reagon DASH

Kryetari i Partisë Demokratike, Sali Berisha ngriti akuzat se ish-zyrtari i FBI-së, Charles McGonigal tentoi t’i vendosë gjobë Ylli Ndroqit ose siç njihet ndryshe trafikantit Xhemail Pasmaçiut, i cili është shpallur “non grata” nga SHBA. 

Lidhur me këto akuza ka reaguar mbrëmjen e sotme Departamenti Amerikan i Shtetit. DASH i cilëson qesharake pretendimet e Berishës për gjobëvënie.

"Akuzat e Sali Berishës, i cili u sanksionua nga sekretari i Shtetit për korrupsion të theksuar, janë qesharake. Shtetet e Bashkuara e kanë të qartë përkushtimin tonë ndaj demokracisë dhe luftës kundër korrupsionit”, thuhet në reagimin për Report Tv.

Gjithashtu, SHBA u bën thirrje partive politike që të zhvillojnë zgjedhje të ndershme dhe të lira.

“Ne inkurajojmë të gjitha partitë politike që të angazhohen në diskurs konstruktiv dhe të mbështesin zgjedhje të lira dhe të ndershme", theksohet në deklaratë./ CNA.al

Lajmet e fundit nga