LEXO PA REKLAMA!

SHKARKO APP

App Store
Google Play

Kur doktor Berisha na bën legjendë trafikantin e drogës, Xhemail Pasmaçiun

1 Mars 2023, 13:11, Editorial CNA
Kur doktor Berisha na bën legjendë trafikantin e drogës, Xhemail
Kreu i PD-së, Sali Berisha, dhe Ylli Ndroqi (Fotomontazh)

Sali Berisha fatkeqësisht ka një të përbashkët me një trafikant droge me shtatasin Xhemail Pasmaçiu alias Ylli Ndroqi.

Të dy janë një problematikë “non grata” nga SHBA-ja dhe fatkeqësisht apo turpësisht doktori është bashkuar me trafikantin e drogës, Xhemail Pasmaçiu.

Jo thjeshtë dhe vetëm për “non gratën” e SHBA-së.

Kur doktor Berisha na bën legjendë trafikantin e drogës, Xhemail

Në disa dalje të tij mediatike çështjen McGonigal e trajtoi fort dhe politikisht, por tani e ka kthyer atë në një çështje, ku argumentet që jep janë qesharake dhe totalisht të neveritshme.

Sali Berisha, njeriu që shumë demokratë e besojnë, e mbështesin dhe e duan në krye të PD-së, e respektojnë kontributin e tij dhe forcën e një 78-vjeçari, një njeri thuajse i paepur, përfundon duke u dhënë argumente politike qytetarëve shqiptarë dhe opozitarëve, trafikantin e drogës, Xhemail Pasmaçiu, që është treguar hero se s’ka pranuar për të paguar gjobën ndaj “McGonigal”.

Kur doktor Berisha na bën legjendë trafikantin e drogës, Xhemail
Kreu i PD-sw, Sali Berisha në një dalje për mediat

“Ekipi i famëziut McGonigal, tradhtarit të kombit amerikan, mafiozët Dorian Duçka dhe Agron Neza, kalonin nga një lokal në tjetrin, nga një hotel në tjetrin, duke bërë gjahun e biznesmenëve për t’u zhvatur atyre miliona euro.

Njëri nga këta biznesmenë, të cilit i kanë kërkuar në maj të vitit 2022, miliona për ta hequr nga lista e zezë, është sipërmarrësi i njohur, është drejtuesi i rrjetit televiziv, 'Ora News', Ylli Ndroqi.

Dorian Duçka dhe Agron Neza, këta mafiozë kriminelë dhe të pafytyrë, jo vetëm i kanë kërkuar këtij sipërmarrësi gjobën, por refuzimi i tij në prani të dëshmitarëve, t’ua paguajë atë, është shoqëruar me kërcënime të mëvonshme nga ana e këtyre dy mafiozëve.

Unë e përgëzoj zotin Ylli Ndroqi për qëndrimin që ai ka mbajtur. Këtë denoncim ai e ka bërë edhe zyrtarisht pranë autoriteteve amerikane”, ka thënë Berisha një javë më parë.

Berisha e di mirë se shpallja "non grata" nuk është çështje “McGonigali”, edhe për Xhemail Pasmaçiun alias Ylli Ndroqi edhe për vetë doktor Berishën.

Ai do të luajë politikisht dhe kjo nuk ka asnjë diskutim dhe Berisha është treguar gjithmonë dinjitoz, askush nuk nuk do ta shpjegojë pse ka rënë kaq poshtë duke sjellë në opinionin publik emrin e një personazhi që është faktuar me dokumente nga SPAK-u për trafikim droge në Turqi, se ka pasur probleme dhe në Itali, që i është konfiskuar pasuria, që është i përfshirë në dosjen skandaloze të Ilir Metës.

Ylli Ndroqi është trafikant droge dhe Sali Berisha e di shumë mirë se ka qenë kryeministër i vendit.

Ndoshta i duhet ajo copë ekrani që ka Ylli, por ka njerëz që kanë kauza në jetë dhe kështu ka qenë dhe Berisha.

Një nga kauzat që duhet të ishte e doktorit duhet të kishte në themel pastërtinë e medias. Mund të ketë problematikë gjobaxhinj të korruptuar, por nuk mund të ketë një trafikant droge.

Berisha mund të zgjedhë ta vendosë Ylli Ndroqin deputet se kjo i mbetet pa bërë për shkak të dinjitetit të madh që ka treguar Ylli.

Kështu do ta ngrejë edhe më lart figurën e trafikantit të drogës Xhemail Pasmaçiu, por ku do ta çonte vetëm aty ku po e çon.

Nuk ka kthim pas.

Ndoshta është e pakorrigjueshme, sepse as ai as Meta nuk do të kenë më shumë mbështetje nga qytetarët, në rast se marrin në mbrojtje një trafikant droge dhe përziejnë historitë e McGonigal dhe skandaleve dhe hetimeve në SHBA që zhvillohen atje, duke përdorur lloj-lloj broçkulle si argumente dhe duke i dalë në krah një trafikanti droge.

I provuar dhe i raportuar nga Interpoli, Ylli Ndroqi alias Xhemail Pasmaçiu është trafikant droge.

Sali Berisha e di këtë, por ka zgjedhur ta shpallë hero dhe kauzën “McGonigal” e ka çuar te një trafikant droge.

Deri ku po shkon Berisha?

A po tregon kjo, se doktori është vërtet në një ditë të keqe, kur një çështje si “McGonigal” mund ta trajtonte shumë më fort dhe mos ta degjeneronte tek avokatia ndaj një trafikanti droge dhe duke e sjellë atë si legjendën e çështjes “McGonigal”.

Kjo është e neveritshme që doktori turpësisht e bën me vetëdije./CNA.al

Lajmet e fundit nga