LEXO PA REKLAMA!

SHKARKO APP

Vrasja e trefishtë/ Berisha: Dëshmi e radhës e dominimit të krimit

1 Mars 2023, 22:38, Politikë CNA
Vrasja e trefishtë/ Berisha: Dëshmi e radhës e dominimit të
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka reaguar për masakrën e Dan Hutrës, i cili vrau tre gra dhe plagosi tre të tjera.

Me anë të një statusi në rrjete sociale,  Berisha thotë se ky është një krim horror nga një vrasës serial e i pashpirt.

Kryedemokrati i shpreh ngushëllimet familjeve të viktimave dhe i uron shërim të plotë të plagosurave.

Teksa dënon krimin e rëndë, ai deklaron se ngjarja e sotme është dëshmia e radhës e dominimit të krimit në vend, e lidhjeve të tij të forta me zyrtarë e qeveritarë dhe e politikës së lirimit të vrasësve serialë për qëllime elektorale.

“Krim horror!

Vrasësi serial, Dan Hutra në një masakër të vërtetë ekzekuton brenda 30 minutave tre gra dhe plagos tre të tjera në Tiranë dhe Kamëz.

Të dashur miq, një krim horror që ka tronditur thellë mbarë vendin ndodhi sot në Tiranë. Vrasësi serial, Dan Hutra, i liruar 14 ditë më parë nga burgu ku vuante dënimin për vrasje ka ekzekutuar shtetasit, Mevlude Hysa 30 vjeç, Hasime Dafku 30 vjeç, Etleva Kurti 31 vjeç dhe ka plagosur tre gra të tjera në tre familje të rrethit të tij.

Ky është një akt tejet i rëndë i një vrasësi të pashpirtë. Me këtë rast shpreh ngushëllimet e mia më të ndjera familjeve të viktimave dhe uroj shërim të plotë të plagosurave.

Gjithashtu dënoj me ashpërsinë më të madhe këtë krim makabër dhe autorin e tij mizor, Dan Hutra. Sikundër shtoj se ky krim horror është dëshmia e radhës e dominimit të krimit në këtë vend, e lidhjeve të tij të forta me zyrtarë e qeveritarë dhe e politikës së lirimit të vrasësve serial për qëllime elektorale nga Edi Rama dhe narko-policia, drejtesia e kontrolluar prej tij. Sb”, shkruan Berisha./ CNA.al

Lajmet e fundit nga