web counter
LEXO PA REKLAMA!

SHKARKO APP

App Store
Google Play

Inceneratorët/ Berisha: Metani, faktor kërcënues për hetimin

6 Gusht 2023, 14:04, Politikë CNA
Inceneratorët/ Berisha: Metani, faktor kërcënues për hetimin
Ish-kryeministri Sali Berisha

Ish-kryeministri i vendit, Sali Berisha ka ripërsëritur sërish thirrjen ndaj kreut të ILD-së, Artur Metani.

Këtë të fundit, Berisha e akuzon si të përfshirë në aferën e inceneratorëve e për këtë arsye i kërkon dorëheqjen.

Sot kreu i demokratëve ka publikuar thirrjen e bërë në konferencën e përjavshme të së premtes me gazetarët.

Ai ka theksuar se Meta është në konflikt interesi dhe është faktor kërcënues për hetimin.

"Së fundi kam disa ekzotika. Erion Veliaj 15 ditë para zgjedhjeve ka deklaruar se unë do ndërpres pagesat për inceneratorin pas zgjedhjeve. Mirëpo ai këtë nuk e bëri sepse duket fshehtas arriti marrëveshje që ato të mund të vazhdojnë. Ato vazhdojnë njëlloj vazhdojnë një lloj por që të jemi realist kanë një ndryshim ato nuk mund të përdoren më nga Zoto dhe Mërtiri por vetëm nga agjensia e ngarkuar për administrimin e djefësit.

Së dyti këto kohët e fundit ka pasur presione të papranueshme por edhe takime të dyshimta dhe të paparanueshme nga prokuroria dhe personave që janë pronarët de facto të djegësve ndër të cilët mundet flitet se dhe vetë Edi Rama.

Shpallja e Zotos dhe Mërtirit si pronarë de facto dhe akuza ndaj Arben Ahmetaj për firmën në vendimin e qeverisë për të dhënë bonusin prej 8 pikësh, ngjet me një përpjekje të qartë për të shmangur ngritjen e akuzës për organizatë kriminale për vjedhjen e shekullit dhe për të përjashtuar nga hetimi përgjegjësit dhe pronarët e vërtetë dhe më kryesorë të djegësit të Tiranës, Edi Ramës, Erion Velisë dhe Ëngjëll Agaçit.

Përsëris dhe njëherë kërkesën time për dorëheqjen imediate të Artur Metanit nga posti i tij pasi ai është fund e krye në konflikt interesi dhe është një faktor tmerrësisht kërcënues për mbarëvajtjen e këtij hetimi, i cili uroj të bëhet hetimi i shekullit dhe jo dështimi i shekullit", ka deklaruar Berisha./ CNA.al





Lajmet e fundit nga