LEXO PA REKLAMA!

SHKARKO APP

E fundit!

x

Bashës i del gjumi/ Kujtohet pas një jave për operacionin e SPAK

5 Gusht 2023, 14:00, Politikë CNA

Bashës i del gjumi/ Kujtohet pas një jave për operacionin e SPAK

Më 28 korrik u raportua zhvillimi i operacionit “Metamorfoza” nga SPAK, në sajë të të cilit u arrestuan 6 persona dhe u shpallën në kërkim 9 të tjerë, mes tyre ish-zyrtarë të policisë, prokurorë e biznesmenë.

Duke u bazuar në përgjimet e bisedave në “Sky” dhe “Encrochat”, u zbardhën një sërë krimesh, vrasjesh dhe atentatesh të mbetura në tentativë.

Kur ka kaluar një javë nga kryerja e këtij operacioni, i ka dalë gjumi Lulzim Bashës.

Ky i fundit ka reaguar mesditën e kësaj të shtune për operacionin e SPAK me anë të një statusi në rrjetet sociale.

Në Dibër, me strukturat drejtuese të Partisë Demokratike të këtij Qarku, nisëm punën për përgatitjen e Kuvendit Kombëtar dhe riorganizimin e çdo dege të forcës sonë politike, për t’i prirë përballjes me pushtetin e korruptuar të Edi Ramës dhe ndërtimin e alternativës, me përfshirjen e gjerë të anëtarëve të partisë, qytetarëve, intelektualëve, grave, të rinjve e të rejave, sipërmarrësve dhe grupeve të interesit në farkëtimin e të ardhmes që shqiptarët meritojnë.

Siç dëshmojnë përgjimet e “SKY”, kontrata mes politikës dhe krimit është një plagë e madhe për rendin dhe sigurinë tonë. Ne, si Parti Demokratike, jemi përballur me të, e kemi denoncuar dhe sfiduar në shërbim të interesit publik, prandaj duhet të falenderojmë deputetët tanë për këtë qëndresë të drejtë. Për këtë arsye, ne jemi këmbëngulës në kauzën tonë për pastrimin e politikës, pasi ata që kanë lidhje me krimin nuk mund të kenë vend në institucionet përfaqësuese të vendit!”, shkruan ndër të tjera Basha./ CNA.al

Lajmet e fundit nga