LEXO PA REKLAMA!

SHKARKO APP

Denoncimi i PL për inceneratorin e Tiranës/ Bashkia nuk jep informacion, Veliaj fsheh shkeljet

9 Gusht 2023, 12:36, Aktualitet CNA
Denoncimi i PL për inceneratorin e Tiranës/ Bashkia nuk jep
Silva Caka

Sekretarja për Marrëdhëniet me Publikun në Partinë e Lirisë, Silva Caka në një deklaratë për mediat përpara Bashkisë së Tiranës ka denoncuar fshehjen e informacioneve për inceneratorin e Tiranës. 

Ajo renditi pikat për të cilat deputetja, Monika Kryemadhi ka kërkuar informacion në bashki por dhe pse kanë kaluar 60 ditë nuk ka marrë përgjigje.

Caka thotë se Bashkia e Tiranës është vendi i krimit përsa i përket aferës më të madhe në Shqipëri, asaj të inceneratorit të Tiranës.

Sipas saj Veliaj vazhdon të fshehë shkeljet, por “data e skadencës së Erionit ka afruar gjithnjë e më shumë”.  

 “Bashkia e Tiranës është vendi i krimit përsa i përket aferës më të madhe në Shqipëri, asaj të inceneratorit të Tiranës. Që Erion Veliaj vazhdon të fshihet pas derës së zyrës dhe të fshehë në mënyrë të njëpasnjëhe të shkel ligjet e shtetit shqiptar. Më 12 qershor deputetja Kryemadhi ka kërkuar informacion që synon transparencë për inceneratorin e Tiranës.

1. Informacion se sa on mbetje janë depozituar për çdo vit kalendarik.

2. Informacion mbi pagesat e kryera çdo muaj e vit.

3. Kopje të marrëveshjes së firmosur mes palëve.

4 Një kopje të  marrëveshjes së këshillit Bashkiak për financimin mes palëve.

Dhe pse kanë kaluar 60 ditë nga dita e kërkesës, Veliaj vijon të fshihej në zyrën e tij. Veliaj sot hesht në mënyrë të turpshme. Këtë transparencë e kërkojmë për interes të qytetarëve, ne thjesht kemi kërkuar informacion. Pse fshihet Veliaj? Ne e dimë që Erion Veliaj e ka një mbrojtës nga pas por dhe mbrojtësi do ta lëshojë shumë shpejt pasi data e skadencës së Erionit ka afruar gjithnjë e më shumë.” , tha Sekretarja për Marrëdhëniet me Publikun në Partinë e Lirisë, Silva Caka./CNA

Lajmet e fundit nga