Inceneratorët dhe kullën i bëri PD-ja

7 Gusht 2023, 16:49, Satire CNA

Fotomontazh

Skema është e qartë, kush nuk e kupton le ta zbulojë.

Inceneratorët i ka bërë PD-ja. PIKE

Historia fillon kështu:

Luli kishte vëlla Lelin, Mirelin, e kishte fratelo.

Luli duke ndenjur dhe duke ngënë drekë me vëllain e tij, diskutojnë pas fjalës që i kishte thënë doktor Berisha. “Luli mos të shoh më plehra në Elbasan, m’i qëroni këto plehra nga sytë, tymi i tiyre bashkohet me atë të Tiranës dhe na sëmur popullin”.

Luli: - Leli, ti mund të bësh një punë të mirë për Partinë Demokratike, të na bësh një incenerator në Elbasan dhe t’i zhdukësh plehrat atje.

Inceneratori i Elbasanit

Leli me vrap merr në telefon shokun e tij Klodin, të cilin e njihte dhe Luçiano Boçi, e kishte mik të ngushtë që nga koha kur kishin punuar bashkë tek PD-ja , plus Klodi ishte tip[ akademiku si profesori. Kështu filloi puna.

Bëjnë ca letra, bëjnë kompani, hop, Sekretar i Përgjithshëm në atë kohë Gazment Bardhi ju firmos 24 milionë euro, brenda ditës në 14 ministri, tak fak.

Hapet oreksi, vërsulen në Fier.

Çfarë ndodhi në Fier? Apapa

Ne Fier menjëherë i shtohet projektit 10 milionë euro. E bëjmë 32 milionë euro pa TVSH. I pëlqeu shumë të madhit. I themi doktorit që Fieri, ka më shumë plehra sesa Elbasani dhe ai inceneratori i Elbasanit nuk është aq i mirë. Do të bëjmë një edhe më të mirë.

Inceneratori i Fierit

E këtu sjellim ca italianë e fillojmë dhe vërsulemi drejt Afrikës.

Rrugës të shohim në Tiranë, - i thotë Luli- Lelit. Në Tiranë është Belind Këlliçi. Ky i fundit i ka shumë qejf urdhërat e Doktorit t’i zbatojë siç i thotë ai.

E menjëherë fillojnë takimet dhe negociatat. Futet në lojë dhe “Shijak Tv”-ja, në atë kohë e drejtuar nga një gazetar i famshëm.

Menjëherë mblidhet grupi dhe diskutojnë. Si do ta bëjmë punën që të ndërtojmë një incenerator në Tiranë?

Gjendet zgjidhja, shkojnë marrin letrat dhe pasi diskutojnë fort me Erla Mëhillin që ishte në krah të doktorit, skema është e qartë.

Do ndërtojmë incenerator në Tiranë, nuk ka asnjë pengesë, por Luli kishte filluar të bëhej problematik.

Inceneratori i Tiranës

Atëherë duhet ta heqim Lulin nga skema, të dalë jashtë ai dhe do ta kontrollojmë vetë ne, partia dhe tani që po ikën Gazi duhet të ketë më shumë autoritet Mul Noka.

Skema duket e thjeshtë por në fakt është e vështirë. Fillon, firmoset dokumentat. Klodi komunikon sa me Gaz Bardhin, me Flamur Nokën, me Erla Mëhillin, futet Belind Këlliçin. Doktori shikon nga lart.

Ndërkohë mendojnë dhe thonë: “Ti Belind jep dhe një kullë të lartë, firmosë sa më të lartë atë, 200 metra në lartësi ta kemi”.

Dhe kur e pyet doktorin pse, ai thotë që kur të na pëlcasë incenetatori të kemi gati kullën që njerëzit të humbin mendjen.

Parku pas Teatrit të Operës dhe Baltetit, ku do të ndërtohet kulla

E kështu ndodhi, firmosi Belindi pa mbledhur këshillin fare, tarifën, u firmos kontrata konsensionare nga Mul Noka dhe me vrap të marrim milionat nga inceneratori.

Kaluan ca kohë dhe njerëzit bënë zhurmë.

Filluan mediat e Partisë Socialiste, filloi Karlo Bolino, filloi “Top Channel”, zhurmë të madhe kundër Sali Berishës që kishte dhënë inceneratorët, zhurmë të madhe kundër Belind Këlliçit, zhurmë të madhe kundër Flamur Nokës, zhurmë të madhe deri në burgosjen e Lulzim Bashës.

Ky i fundit mori arratinë se kishte firmosur me inceneratorët.

Kështu ndodhi. Në këtë moment, pasi prokuroria politike e Partisë Demokratike, SPAK, kërkoi t’i arrestonte këta të fundit, opozita e Edi Ramës heshti sapo doli çështa e kullës dhe menjëherë Erion Veliaj, Damian Gjiknuri, Engjëll Agaçi e të tjerë filluan të flisnin të detyruar për këtë këtë kullë pasi reaguan rrjetet sociale të kontrolluara kryesisht nga Oerd Bylykbashi, i cili ishte dhe më i ashpri në këtë betejë.

E vërteta për kullën në qendër dhe histeria kolektive e rrjeteve sociale
7 Gusht, 12:42

Kështu vazhdoi debati dhe nja dy ditë inceneratori i firmosur nga Sali Berisha, Belind Këlliçi, Luçiano Boçi, Oerd Bylykbashi e të tjerë, u harrua.

Por beteja vazhdon për inceneratorin dhe PD-ja, të vjedhur nga njerëzit e saj, nga shokët e Mirelit dhe Klodian Zotos që ishin të gjithë demokratë dhe zyrtarë të PD-së gjatë pushtetit të PD-së që vazhdon prej 10-vitesh dhe me një Parti Socialiste të përçarë dhe të sunduar, e cila fatkeqësisht nuk po mundet dot të jetë opozita reale në Shqipëri.

Por janë rrjetet sociale që i manipulon Oerd Bylykbashi, së bashku me Belind Këlliçin kundër Erion Veliajt dhe Edi Ramës.

Dhe kulla që vlen 20 herë më pak se afera e inceneratorëve që zhvillohet në një pronë private ishte zgjidhja më e mençur që tha Luçiano Boçi, së bashku me doktorin për ta përdorur si zgjidhje kundër inceneratorëve.

Ecim përpara!