LEXO PA REKLAMA!

SHKARKO APP

App Store
Google Play

Korça zgjohet me Nertilin kryetar bashkie

15 Maj 2023, 16:47, Satire Politike CNA
Korça zgjohet me Nertilin kryetar bashkie
Fotomontazh - Prefekti i Korçës, Nertil Jole, në sfond Bashkia e Korçës

Ta besojnë ose jo demokratët, le të thonë ç’të duan socialistët, ta shajnë ballistët, ta mohojnë komunistët, por Korça sot u zgjua me kryetarin e saj të ri të bashkisë, Nertil Jolen.

Ky djalë vizionar dhe vetëmohues, ky yll që shkëlqen edhe kur ka diell, megjithëse në hënë venitet edhe kur s’ka re, më në fund realizoi ëndrrën e tij.

Nertili sot u gdhi kryetar bashkie.

Kush të dojë të qeshë, kush të dojë të qajë. Nertili është njeriu i së ardhmes së Korçës, prefekt i saj që nga rruga sakrifikoi gjithçka që të ishte kryetar i bashkisë.

Shkoi çdo ditë në fushatë, takonte me qindra dhe mijëra njerëz. Mes duartrokitjesh, brohorimash, premtimesh, Nertili shpaloste programin e tij elektoral.

Korça zgjohet me Nertilin kryetar bashkie

Tani ai s’ka çbën tjetër, thjeshtë dhe vetëm të realizojë premtimet që bëri me mijëra njerëz.

Qyteti i Korçës do të përulet çdo ditë në mëngjes. Shumë do të jenë të lumtur që e kanë Nertilin kryetar.

Kokulur në mëngjes do t’i thonë, mirëmëngjes zoti kryetar.

Dikush filloi të tregonte historinë e mbretit lakuriq, por Nertili iu përgjigj: Unë jam mbreti i vërtetë.

Megjithëse të gjitha këto në fund ishin thjeshtë dhe vetëm një ëndërr e Nertil Joles, njeriut i cili para disa muajsh ka shkuar prefekt i Korçës, donte të bëhej kryetar bashkie dhe tani ka ngelur thjeshtë dhe vetëm një ëndërrimtar me ëndrrën e re, askush të mos çuditet, tani shpreson të bëhet deputet.

Ky është Nertili i vërtetë, ëndrrat e tij vazhdojnë gjithmonë./ CNA.al

19:58 Satire Politike

“Baba Karloja”

“Baba Karlon” fëmijët e njohin nga përralla e Pinokut, e n...

13:39 Satire Politike

Nga Ardi Stefa/ Ish...

Ore vëlla, si je? Më dëgjo me vëmendje. Do zbresësh nga ...

Lajmet e fundit nga