web counter
LEXO PA REKLAMA!

SHKARKO APP

App Store
Google Play

E fundit!

x

Ëndrra mbaroi, po tani çfarë do të thonë?

26 Mars 2023, 15:29, Politikë CNA
Ëndrra mbaroi, po tani çfarë do të thonë?
Fotomontazh - Ardit Konomi dhe Nertil Jole, në sfond bashkia e Korçës

Bashkia e Korçës ka qenë më domethënësja në këtë garë të kandidatëve, megjithëse në fakt nuk është se pati ndonjë garë dhe kishte ndonjë rivalizues.

Ishte domethënëse për mënyrën se si prej muajsh Partia Socialiste dhe Partia Demokratike u "përplasën” me kandidatët e tyre.

Demokratët nxorën tre kandidatë në garë, nga të cilët dy prej tyre u përballën me njëri-tjetrin. Ishte Ledina Aliolli, një pedagoge e universitetit të Korçës, e cila është denoncuar shpeshherë për një master të saj fals dhe të pamerituar në Bullgari dhe doktor Gjergji Gjatën.

Ëndrra mbaroi, po tani çfarë do të thonë?
Ledina Aliolli

Brenda strukturave thanë se Ledina Aliolli kishte blerë votat e primareve, kishte dërguar njerëz me porosi, kjo për faktin edhe sepse ajo ishte një mbështetëse e zjarrtë dhe e çmendur e Lulzim Bashës, sa gjatë foltores shkoi te Luli e tha se ai ishte e ardhmja.

Një kandidat, me mbështetje të gjerë në Korçë, humbi në primare, por më pas shpalli kandidaturën si kandidaturë e qytetarëve dhe pret të jetë një nga emrat alternativë përballë Sotiraq Filos, zyrtarizuar dje nga socialistët.

Nga ana tjetër, ajo që është më qesharake, është ajo që ndodhi në PS. Sotiraq Filo në detyrë ende, asnjëherë, në asnjë çast nuk e konfirmoi kandidaturën e tij, jo sepse nuk e dinte me shumë gjasa që do të ishte kandidati zyrtar, por heshti.

Heshti përballë dy “rivalëve” që kishte brenda PS-së, heshti përballë ish-prefektit Ardit Konomi, ish-deputet, ish-drejtor i spitalit të Korçës, me shumë benefite, një djalë me aktivitet të gjerë qytetar dhe një individ shumë pozitiv, por i rënë në një grackë, grackën e intrigave të atij që quhet Ragami në Korçë.

Ëndrra mbaroi, po tani çfarë do të thonë?
Ardit Konomi

Mesa duket për shkak të vjehrrës, Ragami donte mullixhinj. Ky është Spiro Bardhi, një biznesmen korçar, i cili do gjithmonë të vendosë kandidatët e tij nga socialistët në garën për të marrë bashkinë, që ta përdorë këtë të fundit për interesat e tij personale. Gjithsesi, këtë herë dështoi me sukses sepse nuk nxori një, por dy kandidatë.

Kandidati i dytë ishte Nertil Jole, prefekti i Korçës, një ish-militant i Ben Blushit te Libra, u vendos prefekt i qytetit në mënyrë të beftë, pa asnjë kontribut, pa asnjë vlerë për qytetin. Sapo shkoi prefekt shpalli kandidaturën për kryetar bashkie.

Ëndrra mbaroi, po tani çfarë do të thonë?

Ndoshta zihen në Korçë sepse e majta është më e madhe dhe besojnë se ndjekja e socialistëve mund t’i sjellë në pushtet, por edhe mund t’i çojë në opozitë si rasti i Gjergji Duros përballë Robert Damos në vitin 2003.

CNA bëri një vëzhgim dhe raportim gati dy javë më parë, ku dhe tha se kush po tallet me këta dy individë, me Arditin dhe Nertilin, të ndryshëm nga natyra, njëri sportiv, tjetri shëtitës, të fryrë se mund të kandidonin për Bashkinë e Korçës dhe këtu nuk ka asgjë të keqe, por qesharakë dhe të tallur në veprimet që kryenin, në lojë nga biznesmenë, në lojë nga ish-politikanë socialistë që përdoreshin apo keqpërdoreshin si emra për Bashkinë e Korçës.

Problemi nuk ishte se ata donin të kandidonin. Problemi ishte te fakti që CNA e raportoi se si këta individë po keqpërdoreshin e po talleshin publikisht. Disa media të vogla lokale, televizione, individë i shpallën kandidatë për kryetarë bashkie, edhe në Tiranë. Dikush thoshte se në Korçë ishte kandidat Nertili, dikush tjetër e ka mbyllur Ragami me Edi Ramën e të tjera nga këto.

CNA raportoi këtu në këtë link se si qëndronte e vërteta dhe se çfarë do thoshin jo vetëm këta dy djem të keqpërdorur, të tallur, por mentorët e tyre. Çfarë do të thoshin vërtet mentorët e tyre, të cilët po gënjenin gjithë Korçën, po talleshin me Korçën, me qytetarët, me militantët e PS-së.

Pa pasur asnjë fakt, asnjë argument gënjenin në mënyrë abuzive, keqpërdornin emrat e këtyre djemve për interesat e tyre dhe inatet që ata kishin.

CNA shkruajti një fjali, çfarë do të ndodhë dhe çfarë do të thonë ditën që do të shpallen kandidaturat?

Tani ka dy pyetje, çfarë do thonë ata që i keqpërdorën këta dy djem Korçe dhe e dyta çfarë do të thonë këta dy djem tashmë, të cilët nuk janë kandidatë të PS-së?

Nuk ka rëndësi si justifikohen, ne do të jemi në fushatë me Filon apo jo, apo do të mbështesin Ledinën apo Gjergji Gjatën, kjo nuk ka asnjë vlerë.

Çfarë do të thoni o djem tani që ju bënë lolo, u tallën me ju?

Ka një zgjidhje, të talleni me ata që u tallën me ju./ CNA.al





Lajmet e fundit nga