web counter
LEXO PA REKLAMA!

SHKARKO APP

App Store
Google Play

E fundit!

x

Rama drekon me Albin Kurtin/ Zbulon vendimin që morën

26 Mars 2023, 15:02, Politikë CNA
Rama drekon me Albin Kurtin/ Zbulon vendimin që morën
Kryeministri Edi Rama me kryeministrin e Kosovës, Albin Kurti

Kryeministri Edi Rama ka drekuar ditën e sotme me kryeministrin e Kosovës, Albin Kurti, i cili ndodhet në Tiranë për një vizitë zyrtare.

Me anë të një statusi në rrjetet sociale, Rama bën të ditur se i ka shprehur mbështetje Kurtit për marrëveshjen e arritur me presidentin serb, Aleksandër Vuçiç në Ohër.

Gjithashtu, kreu i qeverisë zbulon edhe një vendim që ka marrë me homologun kosovar. Ai njofton se janë dakordësuar që mbledhja e ardhshme e të dy qeverive të mbahet në qershor.

“Me mikun e posaçëm, kryeministrin e Kosovës, Albin Kurti, gjatë drekës së sotme ku diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj.

I shpreha Albinit të gjithë simpatinë time për kurajën dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë.

Ramë dakord që mbledhja e ardhshme e të dyja qeverive të mbahet në qershor”, shkruan Rama./ CNA.al

Rama drekon me Albin Kurtin/ Zbulon vendimin që morën





Lajmet e fundit nga