web counter
LEXO PA REKLAMA!

SHKARKO APP

App Store
Google Play

E fundit!

x

Listat për këshilltarët bashkiakë/ Berisha zbulon “numrat” brenda koalicionit

25 Mars 2023, 22:10, Politikë CNA

Listat për këshilltarët bashkiakë/ Berisha zbulon

Kreu i Partisë Demokratike, Sali Berisha ka zbuluar se si do të bëhet ndarja e listave mes partive të koalicionit bashkë fitojmë.

Sipas tij, Partia e Lirisë do të marrë 240 vende. PBDNJ-a 20 vende, PDK, 6 vende. Pjesa tjetër e mbetur i takon Partisë Demokratike.

“Propozimet janë të shkëlqyera. Janë qytetare dhe qytetarë, demokrate e demokratë me kredenciale shumë të forta, shumë të lavdërueshme, dhe shpallja e listave të tyre është edhe një nxitje e madhe për fushatën.

Defakto kandidaturat për këshilltarë do të jenë pjesë integrale e ekipit elektoral të kandidatit për kryetar bashkie dhe në këtë mënyrë, fushata hyn në një stad më të avancuar, më të lartë.

Natyrisht aleatët në bazë të mesatares së tyre elektorale, do të kenë vendet e tyre në listat e përbashkëta, por gjithnjë duke ndarë së bashku edhe rriskun edhe avantazhet. Listat janë negociuara me aleatët dhe në tërësi janë rënë dakord.

Partia e Lirisë ka marrë 240 vende. PBDNJ-a 20 vende, PDK, 6 vende. Dhe pjesa tjetër i takon Partisë Demokratike.

Nuk është e vërtetë se asnjë nga këto forca ti ketë marrë PD-së nga numri që ajo ka patur. Por alternimi është bërë dhe do të bëhet, sepse kanë patur përqindjet e tyre në këshilla.

Duke e mbyllur këtë ekspoze dhe ftuar mediat që ne të vazhdojmë tani pa praninë e tyre formalizimin e listave sipas bashkive”, tha ai./CNA.al

 

 

 

 





Lajmet e fundit nga