web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për tenderin 100 mijë euro/ Kryebashkiaku i Devollit reagon për emisionin “Piranjat”

25 Mars 2023, 22:44, Politikë CNA

Akuzat për tenderin 100 mijë euro/ Kryebashkiaku i Devollit reagon

Emisioni investigativ "Piranjat", ka zbuluar një tender fiktiv të bashkisë Devoll me një vlerë prej 100 milionë lekësh.

Me paratë e tenderit duhet të rikonstruktoheshin rrugët e fshatrave, por “Piranjat” zbuluan se asnjë fshat i parashikuar në planin e investimeve, nuk ka përfituar nga punimet e supozuara të firmës që fitoi tenderin.

Lidhur me daljen e tij në këtë emision ka reaguar edhe vet kryebashkiaku i Devollit, Eduart Duro i cili ka akuzuar "Piranjat" dhe gazetarët se po keqpërdorin profesionin dhe etikën e profesionit të tyre.

Duro nëpërmjet një reagimi në rrjete sociale shprehet se akuzat ndaj tij janë të pabaza dhe edhe pse ai ka treguar dokumebatcionin e kërkuar nga gazetarët, ata padrejtësisht kanë thënë se “Kryetari i Bashkisë preferoi të mos jepte asnjë përgjigje”.

"Të dashur bashkëqytetarë të Bashkisë Devoll,

Shpresoj që secili prej jush të ketë parë dje shfaqjen e shëmtuar televizive të emisionit “Piranjat”, ku m’u desh të përballem, të nxehem, të drejtoj gishtin ndaj keqpërdorimit të profesionit dhe të etikës gazetareske. Pas gjithë revoltës sime ndaj akuzave të pabaza, pas dokumentacionit të treguar sheshit për gazetaren, për turp, kjo kronikë e mjerë u mbyll me fjalët: Kryetari i Bashkisë preferoi të mos jepte asnjë përgjigje...

Është dëshpëruese që në vendin tonë, media synon të keqpërdorë ndikimin te publiku, duke bërë që edhe punët e mira, të nxihen e të përcillen si abuzime.

Përgjigja ime është jo vetëm me dokumentacion, por me kilometrat e asfaltit të shtruar në çdo fshat të Bashkisë, në çdo lagje të qytetit, sepse ky ka qenë premtimi dhe objektivi kryesor: infrastrukturë dhe kushte për Devollin dhe banorët e tij.

Fatkeqësia jonë, që në këtë vend, kushdo që punon akuzohet, përflitet, e nuk mendohet që janë pikërisht këta që zgjohen në mëngjes e duan të bëjnë diçka për vendin dhe njerëzit ku jetojnë.

Fatkeqësi të përdoret mikrofoni si mjet për të zhvatur dhe për të baltosur shpirtin e njerëzve të punës.

Në jetën time private dhe profesionale, gjithmonë kam zgjedhur ndershmërinë përpara arrogancës dhe servilizmit. Nuk kam ndryshuar asnjëherë, e aq më pak do të ndryshoj sot, nga sulmet e piranjave të së vërtetës! Kam bërë atë që është e drejtë, në vend të asaj që është me leverdi për momentin. Kështu kanë qenë këto katër vite në krye të Bashkisë Devoll, e me mbështetjen tuaj kështu do të jenë edhe katër vitet e tjerë", shkruan ndër të tjera kryebashkiaku.

 

 

 

 

 

 





Lajmet e fundit nga