web counter
LEXO PA REKLAMA!

SHKARKO APP

App Store
Google Play

Baba Karlo, legjenda e fëmijëve

25 Mars 2023, 12:54, Satire CNA

Baba Karlo, legjenda e fëmijëve

Baba Karlo hyri shend e verë në shtëpi.

-Ke fituar ndonjë tender, mo?-e pyeti e shoqja, sekretarja e tij vizionare.

-No, no.

-Koncesion?

-No, no.

-Atëhere paske rrëmbyer tokën e dikujt?

-No, no.

-Ke vënë gjobë e të ka ecuar mbarë?

-No, no.

-Po folë se më plase!

Baba Karlo iu afrua, e përqafoi dhe te veshi i dha lajmin:

-Te lagjia jonë thuajse gjithë fëmijët quhen baba Karlo. Më gëzovi shumë mua kjo.

Ajo e pa me habi një çast, pastaj qeshi.

-Ti je budalla, sajon lajme kot si te media ku je pronar, që ve gjoba e ti vjedh lekët qenushi.

Baba Karlo nuk u prek se tashmë lëkurën e ka si të krokodilit. Qetë i tha gruas:

-Dil në rrugë e pyeti vetë fëmijët, pa qenin tim me kocka e mbaj unë.

E shoqja nuk prit, por vrik u afrua te një grumbull fëmijësh.

-Si e ke emrin ti xhan? - pyeti një vogëlush.

-Baba Karlo - tha ai.

-Po ty si të quajnë?

-Edhe mua baba Karlo.

-Mua më thërrasin Karla, - foli një gocë.

Gruaja e baba Karlos pickoi veten. Po i dukej se qe në ëndërr. Atë çast dëgjoi një zë femre:

-Baba Karlo, baba Karlo hajdeni të hani drekë.

Gruaja e baba Karlos iu avit.

-Djemtë e tu? - pyeti zonjën që thirri çunat.

-Po.

-Si e kanë emrin.

-I madhi baba Karlo.

-Po i vogli?

-Baba Karlo dhe ai, - foli zonja.

-Po si kështu?

-Mos u çudit, o zonjë.Gjithë fëmijët e lagjes sonë baba Karlo quhen.

-Po pse?

-Që të kenë fatin e atij atje, - dhe tregoi me gisht shtëpinë e baba Karlos të madh.

-Që të pasurohen pa u lodhur, pa u djersitur, të mbajnë qenushër, pa djersë e pa zënë lopatë me dorë, siç themi ne shqiptarët.

Kaq foli, futi dy baba Karlot në shtëpi, drejtoi sytë nga qielli e tha:

-Amen! U bëfshim baba Karlo,o zot!/ CNA





19:58 Satire

“Baba Karloja”

“Baba Karlon” fëmijët e njohin nga përralla e Pinokut, e n...

Lajmet e fundit nga