LEXO PA REKLAMA!

SHKARKO APP

Baba Karlo si ndahet Lekës

23 Prill 2023, 10:08, Satire Politike CNA
Baba Karlo si ndahet Lekës
Foto ilustruese

Baba Karlon e ka kapur keq një dalldi e madhe për të fituar para. Ndaj shkoi me vrap te leksionet e Mamaqit si të pasurohesh e nuk mungoi asnjë ditë.

Mbante shënim çdo fjalë që thoshte ai. Mbushi tri fletore e nisi t’i mësonte përmendësh. I recitonte në shtëpi.

Një ditë doli dhe në ballkon, por fqinji i katit sipër u bezdis dhe ia lëshoi një broke me ujë mbi kokë. U pataks një ditë Sandri, roja i pallatit. Ai quhet Aleksandër, por shkurt e thërresin Leka.

Sa dëgjoi Baba Karlo që i drejtoheshin me këtë emër iu qep pas. Nuk i ndahej derisa një ditë ai iu kthye me inat:

-Pse më ndjek o njeri?

-Të bëj ca leka.

-Mua ashtu më thërrasin, po s’kam brekë në bythë, jo leka, - iu përgjigj Aleksandri.

Kulmi mbërriti këtë javë. Baba Karlo hyri në shtëpi i qeshur. Që te korridori i bërtiti gruas:

-Më në fund do bëhemi të pasur!

-E si? - e pyeti ajo.

-Me këtë! - dhe nxori nga çanta librin “Kanuni i Lekë Dukagjinit”.

-Do të mësojmë si të shtojmë paratë.

E zeza grua nuk dinte ç’të thosh. Nuk ia shpjegonte dot se Lekë Dukagjini s’ka lidhje fare me lekun.

Ngaqë Baba Karlo është i fiksuar. Duhen ilaçe për këtë, qenka keq fare, foli murga me vete./ CNA.al

19:58 Satire Politike

“Baba Karloja”

“Baba Karlon” fëmijët e njohin nga përralla e Pinokut, e n...

13:39 Satire Politike

Nga Ardi Stefa/ Ish...

Ore vëlla, si je? Më dëgjo me vëmendje. Do zbresësh nga ...

Lajmet e fundit nga