LEXO PA REKLAMA!

SHKARKO APP

E fundit!

x

Rrumbullaku takon drejtuesit e programi “ATA”/ Zyrtarët amerikanë dhurojnë pajisje shtesë për policinë

9 Gusht 2023, 12:10, Aktualitet CNA
Rrumbullaku takon drejtuesit e programi “ATA”/ Zyrtarët
Rrumbullaku dhe drejtues të programit “ATA”

Drejtori i Përgjithshëm i Policisë së Shtetit, Muhamet Rrumbullaku ka pritur në një takim, drejtorin e Programit të Asistencës për Antiterrorizmin në Shërbimin e Sigurisë Diplomatike, në Departamentin e Shtetit (ATA), Timothy Leeds, menaxherin e këtij programi James Doherty dhe shefen e re të Zyrës Rajonale të Sigurimit, Kathryn Hammond.

Rrumbullaku ka falënderuar drejtuesit e Programit “ATA” për mbështetjen e deritanishme, si dhe për angazhimin e mëtejshëm për ta vazhduar këtë program.

Gjatë takimit u diskutua mbi mënyrat se si ky program mund të vazhdojë të mbështetë zbatimin e ligjit në Shqipëri.

Gjithashtu, zyrtarët amerikanë dhuruan pajisje shtesë për Policinë e Shtetit.

Zyrtarët amerikanë u takuan dhe me drejtorin e Drejtorisë së Antiterrorit, Alban Dautaj, për të vizituar ambientet e kësaj drejtorie, si dhe për të diskutuar se si kurset e mëparshme të trajnimit, kanë përfituar nga operacionet kundër terrorizmit në Shqipëri. Vizita nxorri në pah bashkëpunimin shumë të mirë ndërmjet Zyrës së Sigurisë Rajonale të Ambasadës Amerikane dhe Policisë së Shtetit.

Që nga viti 2016, Programi i Asistencës, në shërbimin e Sigurisë Diplomatike, nëpërmjet Zyrës Rajonale të Sigurisë, në Ambasadë, ka dhuruar miliona dollarë pajisje dhe ka ofruar trajnime të shumta, për Policinë e Shtetit, për të përmirësuar kapacitetet e saj në fushat e antiterrorizmit, krimit kibernetik dhe mjekësisë ligjore dixhitale./CNA

Lajmet e fundit nga