web counter
LEXO PA REKLAMA!

SHKARKO APP

App Store
Google Play

E fundit!

x

Drogë dhe armë në lokalet në plazhin e Krorëzës, 2 persona në pranga e 1 në kërkim

9 Gusht 2023, 10:40, Aktualitet CNA

Drogë dhe armë në lokalet në plazhin e Krorëzës, 2

2 pronarë lokalesh në plazhin e Krorëzës janë vënë në prangat e policisë si dhe është shpallur në kërkim pronari tjetër pasi kishin përshtatur lokalet për kultivim e shitje kanabisi si dhe kishin pushtuar hapësirat publike.

Falë operacionit policor të koduar “All in” u arrestuan  28 vjeçari me inicialet A. N., dhe 39 vjeçari me inicialet E. I., , të dy banues në Sarandë; u shpall në kërkim 28 vjeçari me inicialet  K. V., , banues në Himarë dhe u proceduan në gjendje të lirë 19 vjeçari me inicialet, Th. M., , banues në fshatin Piqeras dhe 25 vjeçari me inicialet, F. K., banues në Himarë. Gjithashtu, për këtë rast u procedua në gjendje të lirë, për moskallëzim të krimit, shtetasi Th. M., kamerier.

Shtetasit A. N. dhe K. V., si dhe shtetasi E. I., kishin përshtatur 2 lokalet në pronësi të tyre, në plazhin e Krorëzës, për veprimtaritë kriminale të kultivimit dhe shitjes së cannabis sativës dhe se kishin pushtuar hapësirë publike, për të vënë çadra dhe shezlongë, pa autorizim.

Në ambientet e këtyre lokaleve dhe të territoreve përreth, u gjetën një sasi lënde narkotike cannabis sativa e ndarë në vazo dhe në qese, një sasi municioni luftarak dhe 89 bimë narkotike cannabis sativa që u sekuestruan në cilësinë e provës materialet. Bimët narkotike u asgjësuan nëpërmjet djegies.

U konstatua se për llogari të një lokali tjetër, gjithashtu në plazhin e Krorëzës, ishte pushtuar hapësirë publike, me qëllim vënien e çadrave dhe shezlongëve, pa autorizim. Për këtë rast, u procedua penalisht administratori i këtij lokali, shtetasi F. K., si dhe u sekuestruan çadrat dhe shezlongët.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./CNA





Lajmet e fundit nga