LEXO PA REKLAMA!

SHKARKO APP

8 vite si ambasadore e Shqipërisë në SHBA/ Floreta Faber përfundon mandatin

9 Gusht 2023, 13:23, Aktualitet CNA

8 vite si ambasadore e Shqipërisë në SHBA/ Floreta Faber

Diplomatja Floreta Faber ka përfunduar mandatin e saj si ambasadore e Shqipërisë në Shtetet e Bashkuara të Amerikës, post në të cilin ka shërbyer për 8 vite.

Për përfundimin e misionit të saj diplomatik ka dhënë një mesazh ambasada e SHBA-ve në Tiranë, ku Faber ka zhvilluar së fundmi një takim me përfaqësues të saj.

Në deklaratën e ambasadës amerikane thuhet se Floreta Faber mbylli me produktivitet detyrën, ndërsa partneriteti SHBA-Shqipëri mbetet i fortë.

“I thamë mirupafshim Floreta Faber teksa mbylli tetë vite produktive si Ambasadore e Shqipërisë në SHBA. Ne diskutuam integrimin në BE, mbrojtjen kibernetike dhe bashkëpunimin tonë në UNSC. Partneriteti SHBA-Shqipëri mbetet i fortë dhe ne presim shumë vite të tjera suksesi”, deklaron ambasada e SHBA.

Ndërkohë, me përfundimin e mandatit të Faber, Shqipërinë në SHBA do të përfaqësojë ish-deputeti i PS-së, Ervin Bushati, i cili u dekretua në postin e ambasadorin dy muaj më parë nga presidenti Bajram Begaj./ CNA

Lajmet e fundit nga