SPAK: Si e kontrollonin Klodian Zoto dhe Mirel Mërtiri kompaninë e inceneratorit të Tiranës në Holandë

10 Gusht 2023, 11:17, Aktualitet CNA

SPAK: Si e kontrollonin Klodian Zoto dhe Mirel Mërtiri kompaninë e

Foto-montazh, ilustruese, Mirel Mërtiri dhe Klodian Zoto

Sipas SPAK nga faqja 31 e kërkesës çuar në Gjykatën e Posaçme të Shkallës së Parë është zbuluar me detaje se si Mirel Mërtiri dhe Klodian Zoto kanë kontrolluar dhe transmetuar në mënyrë të drejtpërdrejtë nëpërmjet vartësve të tyre Denisa Tollkuçi tek drejtorët menaxhues te kompania "Integrated Energy" në Holandë më pas "Geogenix" dhe këto fakte SPAK i ka siguruar pasi ka mundur të rikuperojë e-mail-e nga komunikimet e shtetasit Klodian Zoto, Mirel Mërtiri dhe Denisa Tollkuçi me menaxherët në Holandë.

22 faqet e akuzës së SPAK për inceneratorin e Tiranës/ Nga Zoto te Mërtiri dhe Bllako, falsifikimet e përfitimet
7 Gusht, 16:26

Sipas SPAK në kompjuter janë gjetur komunikime që bëjnë fjalë për likuidimin e pagesave në lidhje me shërbimet që shoqëria "Residence Corporate Service" ka ofruar për shoqërinë holandeze “Integrated Energy B.V”, e cila është mëma e inceneratorit të Tiranës sot me emrin “Geogenix”.

Më pas ka disa komunikime të Mirel Mërtirit, Klodian Zotos dhe Denisa Tollkuçit me njëri-tjetrin me kompaninë administruese në Holandë, ka komunikime siç është ai i faqes 33 i publikuar tashmë për Mirel Mërtirin, pagesat dhe Klodian Zoton.

Më tej vazhdojnë me komunikimet e Denisa Tollkuçit me menaxherët në Holandë me drejtuesit e kompanisë të cilët ofrojnë shërbim.

Më tej flitet edhe për dokumentat e aksioneve bashkëngjitur ndryshimeve të tyre, futjen në lojë të Giuseppe Ciaffagliones.

SPAK: Si e kontrollonin Klodian Zoto dhe Mirel Mërtiri kompaninë e

Ka një “debat” dhe diskutim midis Denisa Tollkuçit dhe administratorëve. Më pas ka një ndërhyrje nga Denisa ku kërkohet që duhet bërë marrëveshja për drejtorin e ri dhe drejtore e kompanisë në Holandë vendoset shtetasja Arjola Kodra, e cila në fakt rezulton dhe administratore e inceneratorit të Tiranës.

Ka disa ndërhyrje për anulime ndërkohë nga Holanda e-mail-et janë këshilluese si duhet vepruar. Ka komunikime të mëtejshme të Denisës me shtetasin Marc Lappat dhe me shtetas të tjerë.

Flitet për dorëheqjen e një personi nga drejtor dhe emërimin e Ciaffagliones.

Ka një diskutim për shitjen e aksioneve , kalimin në 29 dhjetor të 2017 ku sqarohet se kompania "Energy Recuperator SPA", e cila në fakt sipas të dhënave të SPAK, pronari i saj nuk e dinte se çfarë kishte ndodhur me aksionet dhe letrat e tij dërguar në Tiranë, pasi ato i kishte dorëzuar për Elbasanin dhe jo për të tjera veprime.

Në e-mail theksohet një detaj shumë i rëndësishëm, se pas "Energy Recuperator", edhe "Paul Wurth Italia" do të transferojë akisonet tek Intregated Technology Service si dhe kërkon që të ketë një fond të ri holandez që të krijohet për të mbajtur akisonet vetëm me qëllimin që të shmangej përmendja e kompanisë "Integrated Technology Service" e Klodian Zotos në regjistrin publik të aksioneve.

Flitet për diskutime në rreth 8 faqe të plota që tregojnë se si Denisa Tollkuçi, Mirel Mërtiri dhe Klodian Zoto janë tre persona tashmë pasi është shtuar edhe menaxherja, e besuara e Mirelit dhe e Klodit duke komunikuar me administratorët dhe drejtorët dhe menaxherët, të cilët luanin rolin e menaxhuesit apo kryenin veprimet për të gjitha ndryshimet ligjore që bëheshin në Holandë në lidhjet me aksionet, transaksionet e tyre, shitblerjet, vendosjen në emra të tjerë e kështu me radhë.

Valsi i shkresave/ SPAK: Ministria e Financave refuzoi 5 herë të jepte miratim për inceneratorin e Tiranës
6 Gusht, 10:53

Sipas SPAK në faqen 38 tregon rastin tashmë të raportuar në media në lidhje me faktin e publikuar për një pronë 1.1 milionë euro, blerë nga shtetasi Klodian Zoto dhe Mirel Mërtiri në Durrës.

SPAK: Si e kontrollonin Klodian Zoto dhe Mirel Mërtiri kompaninë e

Sipas të dhënave janë verifikuar disa kompani, shitblerja e plotë dhe sipas SPAK kjo shitblerje tregon se pronari “de facto” i kompanisë F.M.O është shtetasi Mirel Mërtiri dhe janë këta persona pronarë të pasurisë së paluajtshme të blerë në shumë 1.1 milionë euro.

SPAK: Klodian Zoto dhe Mirel Mërtiri, pronarët e vërtetë të inceneratorit të Tiranës
1 Gusht, 12:34

Më pas SPAK rendit të gjitha argumentat ligjorë për vendosjen e sekuestros preventive.Provat që ka mundur të sigurojë në lidhje me inceneratorin e Tiranës.

Të gjitha faktet që lindin nga marrja në pyetje e aksionerëve dhe e-mailet e rikuperuara nga Klodian Zoto, nga dokumentat e marra pranë QKB-së dhe çdo fakt tjetër që është pjesë e dosjes hetimore për inceneratorin e Tiranës.

SPAK: Si e kontrollonin Klodian Zoto dhe Mirel Mërtiri kompaninë e

Dokumenti i plotë, deri në vendimin e gjyqtares Irena Gjoka, gjyqtare e Gjykatës së Posaçme të Shkallës së Parë, është rreth 47 faqe por kjo është thjesht dhe vetëm një pjesë mbi hetimet e kryera nga SPAK për inceneratorin e Tiranës.

Sipas të gjitha të dhënave të siguruara nga CNA hetimet për landifillin dhe inceneratorin e Tiranës vazhdojnë . Ka fakte dhe prova të tjera por ky është një hap i parë që ka bërë Struktura e Posaçme e Prokurorisë kundër Korrupsionit për të bërë të mundur vendosjen e sekuestros mbi landfillin dhe inceneratorin e Tiranës.

Hetimet vazhdojnë dhe pritet që në ditët në vijim SPAK dhe vetë Gjykata të japin informacione dhe të dhëna të tjera në lidhje me këtë aferë , siç quhet afera e inceneratorëve e cila është më e madhja në 30 vite demokraci në Shqipëri, ku vlerat e diskutuara janë me qindra miliona euro kontrata koncensionare dhe të ardhura nga pronarët e kompanive të inceneratorëve./ CNA