web counter
LEXO PA REKLAMA!

SHKARKO APP

App Store
Google Play

Asgjësohen 2100 bimë kanabis në Mjedë/ Arrestohet një 28-vjeçar

10 Gusht 2023, 11:45, Kronika CNA

Asgjësohen 2100 bimë kanabis në Mjedë/ Arrestohet një

Policia ka zbuluar dhe asgjësuar 2100 rrënjë kanabis në fshatin Mjedë.

Përmes një njoftimi zyrtar blutë bëjnë me dije se rrënjët e kanabisit ishin kultivuar në një arë të mbjellë me misër, tokë e cila ishte marrë me qira nga 28-vjeçari me inicialet S.Gj..

Blutë njoftojnë se ky shtetas është arrestuar në flagrancë teksa kujdesej për bimët narkotike dhe se vijojnë hetimet për identifikimin dhe kapjen e shtetasve të tjerë që mund të jenë implikuar në këtë rast kultivimi.

"Asgjësohen 2100 bimë narkotike cannabis sativa që u gjetën të kultivuara në fshatin Mjedë.

U kap në flagrancë, teksa kujdesej për bimët narkotike që i kishte kultivuar nëpër tokën arë të mbjellë me misër, vihet në pranga 28-vjeçari.

Si rezultat i kontrolleve me skuadra të Policisë dhe me dronë të rezolucionit të lartë, me qëllim parandalimin, konstatimin dhe goditjen e kultivimit të bimëve narkotike, shërbimet e Komisariatit të Policisë Vau i Dejës, me mbështetjen dhe të informacioneve nga inteligjenca policore, kanë finalizuar operacionin policor të koduar “Corn”, si rezultat i të cilit u vu në pranga shtetasi S. Gj., 28 vjeç, banues në fshatin Gur i Zi, Shkodër.

28-vjeçari u kap në flagrancë, në një tokë arë të marrë me qira, në fshatin Mjedë, teksa kujdesej për bimët narkotike që i kishte kultivuar nëpër bimë misri, për t’i fshehur.

Në këtë sipërfaqe toke u gjetën të kultivuara 2100 bimë narkotike cannabis sativa, të cilat u asgjësuan nëpërmjet djegies, përveç një pjese të vogël të tyre, e cila u sekuestrua në cilësinë e provës materiale.

Vijojnë hetimet për identifikimin dhe kapjen e shtetasve të tjerë që mund të jenë implikuar në këtë rast kultivimi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore."/CNA

 

 

 

 





Lajmet e fundit nga