LEXO PA REKLAMA!

SHKARKO APP

A e gënjyen SPAK-un aksionerët e kompanisë së inceneratorit në Holandë?

10 Gusht 2023, 13:07, Aktualitet CNA

A e gënjyen SPAK-un aksionerët e kompanisë së inceneratorit

Në disa ditë, CNA publikoi dosjen prej 47 faqesh, që SPAK ka çuar si material të plotë për Gjykatën e Posaçme të Shkallës së Parë.

Një material për sekuestrimin e landflillit dhe inceneratorit të Tiranës, ky i  fundit nuk ekziston. Një material ku bëhet sekuestrimi, ku jepen fakte dhe prova, ku janë pyetur aksionerët të cilët thonë se nuk i njohin drejtorët, nuk njohin administratorët, njohin vetëm Mirelin.

Ka nga ata që thonë dokumentat i kemi çuar për në Elbasan, të tjerë që deklarojnë se, nuk kanë dhënë letra dhe autorizim për t'u regjistruar në Shqipëri, e quajnë veten aksionerë të fjetur, do siguronin vetëm financimin, kanë punuar diku për Elbasanin, diku për Fierin e të tjera si këto.

Ka një mohim dhe një faturim të gjithë historisë së inceneratorit tek dy emra, Mirel Mërtiri dhe Klodian Zoto dhe emri i tretë që është Denisa Tollkuçi, e cila sipas hetimeve të SPAK-ut ka patur një rol kyç, pasi ishte njeriu që komunikonte nga Tirana me Holandën pra me kompaninë e cila bënte menaxhimin e Geogenix me një rol kompanie mëmë tjetër e cila ishte menaxhuese me emra, me dy drejtorë, me dy firma e të tjera si këto.

Por gjithçka bëhej për llogari të Mirel Mërtirit dhe Klodian Zotos, këtë e thonë të gjithë aksionerët.

Në fakt pas leximit që CNA i ka bërë dokumentave ngrihen të gjitha dyshimet se aksionerët kanë gënjyer SPAK-un.

Kanë gënjyer Prokurorinë e Posaçme në disa detaje, në disa qëndrime, por edhe pjesërisht kanë bashkëpunuar, kanë dorëzuar një pjesë të dokumentave, kanë thënë që nuk kanë qenë në dijeni të çuarjes së firmës apo pasaportave të tyre në QKB e të tjera si këto, të cilat në fakt më shumë se sa falsifikim apo mashtrim nuk janë ndonjë vepër penale e rëndë me pasoja të mëdha ekonomike apo financiare që mund t’i kalonte këta aksionerë edhe në dënime shumë të ashpra në Shqipëri.

Por përgjegjësi ligjore kanë anashkaluar me deklarimet e bëra.

CNA disponon disa të dhëna që më parë janë bërë publike por nuk i është dhënë rëndësia e duhur. Disa muaj më parë në një dalje publike,Belind Këlliçi nxorri disa komunikime të kompanive italiane për financimin e inceneratorit të Tiranës, marrëdhënie, marrëveshje, detaje që tregojnë se persona të cilët kanë folur për SPAK kanë qenë në dijeni shumë herë më tepër se sa për gjërat që ata kanë folur.

Pra, ata kanë thënë se nuk kanë pasur dijeni për disa çështje të caktuara, por në fakt ata kanë komunikuar, kanë dhënë mendimin e tyre, kanë dhënë pëlqimin e tyre, kanë dhënë në ndonjë rast edhe refuzimin e tyre për hapat që do të ndiqeshin.

Si mundet që disa aksionerë të fjetur siç e quajnë veten të siguronin 100 milionë euro dhe të mos ishin në dijeni se çfarë ndodhte më pas. Edhe skema nuk është vetëm në Tiranë se letrat e tyre për tu përdorur nuk kanë qenë vetëm në Holandë. Pasi kompania e Holandës ka shkuar në Zimbabve, ka shkuar në Ganë, janë shpërnarë kudo letra nëpër vende të ndryshme të Afrikës edhe Azisë.  Janë me dhjetëra shtete ku ata kanë shkuar.

Si mundet që nuk kanë qenë në dijeni kur në fakt ata shpesh herë janë pjesë e investimeve të bëra jo vetëm në Shqipëri, por kanë patur dijeni dhe për investimet jashtë. Nga Shqipëria dikush ka marrë edhe pagesa siç është rasti i Ciaffagliones apo përfshirja e Ernesto Granellit, i cili është akisoner me 30 % në Fier dhe pranon që dokuementat e tij i ka sjellë dhe ka investuar për Tiranën.

Granelli në Fier ka marrë një shumë mjaft të madhe, disa miliona euro, e cila del te dokumentat e hetimit të SPAK.

Pra ajo që është lajm , ajo që është e reja në të gjithë dosjen së SPAK-ut është që ka fakte, dokumenta, të cilat provojnë se aksionerët e kompanisë Geogenix nuk kanë thënë të vërtetën kur janë marrë në pyetje në lidhje me inceneratorin e Tiranës, pas letër-porosive të çuara nga SPAK.

Përgjigjet e tyre janë mohuese në një pjesë duke e faturuar gjithçka të Klodian Zoto dhe Mirel Mërtiri, por një pjesë të gjërave që ata i mohojnë duhet theksuar se, kanë qenë në dijeni dhe të disa veprimeve të tjera.

Pritet që së shpejti të publikohen dokumente të cilat do të tregojnë lidhjen dhe informacionet që kanë patur aksionerët italianë të kompanive të regjistruara me mëmën e Geogenix  në Holandë që nga regjistrimi i saj e deri tek askionerët e rinj të cilët janë pyetur nga SPAK.

E vërteta vonon por nuk harron.

Nuk mjaftohet historia e inceneratorëve thjesht dhe vetëm me Arben Ahmetajn, Mirel Mërtirin apo Klodian Zoto dhe disa askionerë të tjerë që nuk dinin se ç’bënte Klodi me Mirelin.

Kjo mbetet për tu zbardhur në vijim./ CNA

 

Lajmet e fundit nga