Shqipëria shënon një tjetër moment të rëndësishëm në rrugë...
“Trimërohet” Basha / I jep zgjidhjen Ramës, si ndahet e vërteta nga balta sipas “humbësit serial”
11 Gusht 2023, 11:23, AktualitetCNA
Lulzim Basha është “trimëruar” dhe i është përgjigjur kreyministrit Rama, i cili në shkrimin e tij të gjatë në rrjetet sociale e quajti atë një dertimen të sapozgjuar me bluzën e jeshilosur nga djersa e gjumit të stërgjatur.
Humbësi serial, në reagimin e tij vjen në rolin e një njeriu që jep leksione se si ndahet e vërteta nga balta, duke i mëshuar asaj që ai tashmë e ka kthyer në refren, se zgjidhja është vettingu në politikë.
“Sa më shumë zgjatet lista e bashkëpunëtorëve të tij të ngushtë që janë në burg, arrati apo nën hetim për shkak të makutërisë me të cilën është mbrujtur qeverisja e tij, aq dhe më të gjata bëhen hartimet e Ramës.
Por atë që nuk e thotë dot me pak fjalë, nuk ka shans ta mbulojnë fjalët shumë e për lumë.
Meqë mali i korrupsionit në qendër të Tiranës i duket si një “mullar balte”, ka një zgjidhje shumë të thjeshtë për të ndarë të vërtetën nga balta: Veting në politikë.
Kur është i mirë për gjyqtarët, prokurorët, policët, pse të mos jetë i tillë edhe për politikanët?!
Propozimi i Partisë Demokratike është në Parlament, mjafton vullneti politik për ta miratuar. Me këtë rast u kursejmë qytetarëve andrallat e njëpasnjëshme të cirkut 33 vjeçar, pas të cilave fshihet frika nga e shkuara e atyre që ndonëse e kërkojnë votën për t’i shërbyer njerëzve, i kanë shërbyer vetëm interesave personale dhe klientelës oligarkike”, ka shkruar Basha./ CNA
