LEXO PA REKLAMA!

SHKARKO APP

Qëlluan me armë zjari e kanosën babë e bir/ Arrestohet një 24-vjeçar i përfshirë në konflikt

11 Gusht 2023, 15:47, Aktualitet CNA
Qëlluan me armë zjari e kanosën babë e bir/ Arrestohet
Foto ilustruese

Një 24-vjeçar ka rënë në prangat e policisë pasi akuzohet se ka qenë i përfshirë në një konflikt të ndodhur mbrëmjen e djeshme në Korçë, gjatë të cilit u qëllua me armë zjarri në ajër.

I arresturi është 24-vjeçari me inicialet, M. S., bashkëpunëtor me 2 vëllezërit e shpallur në kërkim, për kanosjen e shtetasit F. R. dhe të babait të tij.

24-vjeçari, së bashku me 2 vëllezërit e shpallur në kërkim, shtetasit M. D. dhe Dh. D., për shkak të një konflikti për motive të dobëta, kanë kanosur fillimisht shtetasin F. R. dhe më pas babanë e tij. Gjithashtu, dyshohet se me qëllim kanosjen e këtyre shtetasve, shtetasi M. D. ka qëlluar me armë zjarri, në ajër.

Në vijim, nga verifikimet rezultoi se shtetasi i arrestuar M. S., aktualisht ka qenë me masë sigurie “Arrest në shtëpi”, për prodhim dhe shitje narkotikësh.

Vijon puna për kapjen e shtetasve M. D. dhe Dh. D.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./CNA

Lajmet e fundit nga