E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Mero Baze, versioni zyrtar i inceneratorëve dhe vëllazëria Rilindja

6 Gusht 2023, 15:20, Editorial Elvi FUNDO

Mero Baze, versioni zyrtar i inceneratorëve dhe vëllazëria

Në një editorial të tij, në gazetën “Tema”, Mero Baze që njihet si një nga mbështetësit më të flaktë të kryeministrit Edi Rama dhe Rilindjes ka pranuar me në fund versionin zyrtar disi afër të vërtetës për inceneratorët, aferës së shekullit në Shqipëri. Ndryshe nga banda mediatike, Baze tregon me dy pika se çfarë po ndodh, por shmang çfarë ka ndodhur dhe pse u mbrojt kjo aferë.

Pasi e mohuan, pasi e reklamuan korrupsionin dhe vjedhjet me inceneratorët, tashmë pranohet një version që me shumë gjasa do ndryshojë nga Rilindja, por që ka më shumë se gjysmë të vërteta brenda.

Në versionin e dhënë nga Mero Baze ka dy pika, e para çfarë ka ndodhur deri tani me inceneratorët, interpretohet si sherr mes vëllezërve dhe duket që u kërkohet palëve të mos nxjerrin copa lajmesh, pas përleshjes së tyre. Pra, në pikën e parë korrupsioni dhe afera quhet përleshje e hajdutëve, që qeveria dhe Bashkia Tiranë nuk i pa, por i la të vidhnin, të falsifikonin, të bënin evazion, të bënin ortakëri me media, të vinin reklama dhe te Mero. Emrat e vëllezërve dihen, Mireli me Arben Ahmetajn dhe Klodi vëlla me Mirelin, e kështu me radhë i gjithë shteti i vëllezërve që përleshen, disa me komandë nga Vjena, e disa me komandë nga Tirana. Vëllazëria Rilindja!

Mediat e mëdha nuk fshehin dot korrupsionin
1 Gusht, 21:14

Baze shkruan, “Ajo që ka ndodhur deri tani është se personazhet e inceneratorëve, që në fillim ishin vëllezër me njëri- tjetrin e pastaj u përleshën se nuk ndanë mirë gjërat, tani vazhdojnë luftën ndaj njëri- tjetrit, duke shpërndarë copa lajmesh dhe faktesh, të cilat shërbejnë vetëm për të krijuar ngjarje politike me inceneratorët. Berisha tani është me një palë prej tyre, dhe shpreson të shtyjë vapën e gushtit me ta”.

Më tej, Mero Baze përpiqet të relativizojë edhe pozicionet e medias, duke i quajtur të ndara në dy palë dhe kryesisht politike. Në fakt janë 3, denoncuesit që qëndruan, të blerët nga inceneratorët rrugës (përfshi ata që kanë shkuar muaj më parë e së fundmi në Vjenë), dhe shërbëtorët e devotshëm të pushtetit që janë në listëpagesa që në fillim. Në asnjë rast nuk i jepet vlerë investigimit dhe denoncimit të paanshëm, të parët nuk lëvizën janë pak, por janë fakt.

Strategjia mediatike e inceneratorëve/ 3 skemat me televizione dhe portale
13 Prill, 15:57

Baze shërben (me apo pa vetëdije) si instrument propagandistik i Mirel Mërtirit, i cili nga Vjena komandon shkrime dhe propagandë me pagesë që ata që shkruajnë për inceneratorët, i paguan “Tigri” apo Monika, vegla të Saliut, të korruptuar, gjobë ndaj inceneratorit, e të tjera si këto që fatmirësisht nuk i ka besuar askush, përkundrazi me sjelljen që patën i thelluan gropën vëllezërve të inceneratorëve.

Një nga vëllezërit në sherr, po investon të shkatërrojë vëllain tjetër, që ka qenë krahu i djathtë i Ramës, pa folur për dashurinë e Mirelit me Veliajn. I mbyturi po do të mbysë vëllanë, mbyti veten, mediat dhe rrezikon të mbysë vetë pushtetin duke e çuar vendin në zgjedhje të parakohshme.

Baze shkruan: “Po të shikosh dhe shtypin, po ashtu është i ndarë. Disa media që kanë qenë përfituese të mëdha reklamash dhe sponsorizmesh nga inceneratorët, pas vitit 2018, janë njëkohësisht dhe denoncuesit e Arben Ahmetajt dhe bërtasin për luftë kundër korrupsionit të inceneratorëve, pa përmendur shumë pronarët e tyre”.

Gazetarët e Tigrit!
23 Korrik, 13:35

Te pika e medias sërish ka pjesërisht të vërteta, por jo të plota. Baze ruan kolegët e inceneratorëve, luftë gjoja për korrupsionin e inceneratorëve po bën “Top”-i dhe Bolino, duke ia faturuar Ahmetajt dhe Zotos, sërish kjo e njëjta linjë e sponsorizuar nga Mërtiri dhe ai nuk përmendet nga askush. Këtu Mero gjen dy palë media, këta kundër Ahmetajt dhe ata të Saliut të kohëve të fundit, ndërsa afera ka më shumë se 4 vite që denoncohet pa ndalim nga shumë media e gazetarë të tjerë. Gjysmë e vërteta e Meros, është e pavërtetë.

Nuk po sulmojnë aferën e inceneratorëve duke akuzuar Ahmetajn, po i shërbejnë Rilindjes të Ahmetajt, Ramës, Veliajt dhe Mirel Mërtirit e Klodian Zotos, për të shpëtuar çtë mundin nga milionat e eurove të aferës së inceneratorëve.

Bashkëpunëtorët e Ben Tigrit
5 Gusht, 09:15

Mero mund të dijë disa nga informacionet e takimeve të Mërtirit në Vjenë, “inceneratorët janë të mirë, shikoni çfarë pune e lavdërueshme me trajtimin e mbetjeve, inceneratorët i bëri Zoto me Ahmetajn, rroftë Lali dhe Rama”, këto u janë thënë disa gazetarëve, që kanë takuar Mërtirin, dikush i blerë për të lehur, e dikush i paguar për të heshtur.

Miliona euro kanë marrë mediat, disa janë paguar edhe si qenër kundër prokurorëve të SPAK, për të devijuar hetimin e shpëtuar Mirelin, që në fakt deri në këto hapa ka nxjerë në dritë pronarët e vërtetë dhe shumë pak nga zullumet e tyre të mëdha me mediat e uritura që shqyenin si hiena paratë e vjedhura nga taksat e shqiptarëve të varfër.

Afera e inceneratorëve nuk fillon dhe mbaron tek vëllezërit që zihen apo mediat e ndara më dysh a më tresh, nuk fillon e mbaron në Tiranë dhe këto janë fakte që tashmë si mohon as Mero.