Dokumentet/ Si Mirel Mërtiri i çonte lekët e inceneratorit në Maltë

19 Gusht 2023, 15:53, Aktualitet CNA

Dokumentet/ Si Mirel Mërtiri i çonte lekët e inceneratorit

Mirel Mërtiri, "truri" i inceneratorëve

Afera e inceneratorëve është skandali më i madh korruptiv i shekullit, i quajtur në Shqipëri, denoncuar nga politika, një komision hetimor.

Tashmë SPAK ka zbuluar përgjegjësit kryesorë. Gjithashtu akuzon edhe ish-zv.kryeministrin Arben Ahmetaj për lidhje me Klodian Zoton, Mirel Mërtirin dhe Stela Gugalljan, ku “truri” i tyre ishte Mirel Mërtiri.

SPAK: Klodian Zoto dhe Mirel Mërtiri, pronarët e vërtetë të inceneratorit të Tiranës
1 Gusht, 12:34

CNA ka sjellë shumë dokumente dhe sot po sjell një tjetër material.

Shpesh shtetasi Mirel Mërtiri akuzohej se ai kishte me offshore, me kompani në Maltë dhe në Bullgari, nëpërmjet të cilës erdhi deri në Tiranë, por asnjëherë deri më tani nuk ishte publikuar një dokument apo fakt që të tregonte lidhjen e inceneratorit në Tiranë “Integrated Energy BV SVP” me kompanitë e Mirel Mërtirit në Maltë.

Skandali-Nga pronarët e mediave tek kompanitë offshore/ Skema e plotë e koncesionit të inceneratorëve, emrat e përfshirë
6 Prill, 13:25

CNA po publikon për herë të parë disa dokumente, një pagesë prej 90 mijë eurosh dhe një kontratë të shtetasit Mirel Mërtiri, të kompanisë së tij “Sien” në Maltë me kompaninë “Integrated Energy BV SVP”, në kohën kur administrator ka qenë Giuseppe Ciaffaglione.

Pra, “truri” i inceneratorëve Mirel Mërtiri, siç del nga të dhënat e SPAK-ut, firmosi një kontratë me administratorin formal të kompanisë dhe pagesat i dërgonte te kompania e tij në Maltë.

Fatura me pagesën 90 mijë euro

Kjo është fatura, e cila tregon pagesën prej 90 mijë eurosh.

Më poshtë po sjellim të plotë edhe kontratën të firmosur nga Giuseppe Ciaffaglione dhe Mirel Mërtiri për shërbimet që kompania e Maltës do t’i jepte inceneratorit të Tiranës.

Kontrata e firmosur nga Giuseppe Ciaffaglione dhe Mirel Mërtiri

Qartazi, tashmë del hapur Mirel Mërtiri, njeriu që është jo vetëm në skemën dhe të gjithë skenarin që është ndërtuar për inceneratorët, por edhe kompanitë e tij në Maltë, të cilat përfliteshin si offshorë dhe denoncoheshin shpesh nga politika, tashmë është e provuar që kanë marrë para direkt nga inceneratori i Tiranës.

“Nuk kanë shkuar në offshorë”/ Brisida Shehaj: Paratë e inceneratorëve janë në Maltë
18 Janar, 20:09

Ndërkohë, SPAK po vijon hetimet dhe ka me dhjetëra fakte e dokumente të tjera në lidhje me çështjen e inceneratorëve, zhurmën e të cilëve dhe pasojat i sfumoi paksa debati i shpërthyer nën kontrollin e Rilindjes në lidhje me një kullë në qendër të Tiranës, apo edhe shkashka e hedhur për sterilizimin, ku është arrestuar një ish-zv.ministër dhe pronari i koncesionit, por është shmangur ish-ministri përgjegjës Ilir Beqaj dhe ish-ministri i Financave, Shkëlqim Cani.

Dokumentet e mësipërme tregojnë edhe njëherë se afera e inceneratorëve vazhdon të mbetet një nga thembrat e akilit të drejtësisë së Shqipërisë, më e vështira për tu zbardhur, më e madhja dhe më e papërsëritshmja në llojin e vet që ka ndodhur ndonjëherë në historinë e 30 viteve demokraci në Shqipëri./ CNA