LEXO PA REKLAMA!

SHKARKO APP

Paralajmëron babai i Dritan Goxhajt/ “Do padis në Strasburg dy qeveritë për arrestimin e djalit”

18 Gusht 2023, 20:56, Aktualitet CNA
Paralajmëron babai i Dritan Goxhajt/ “Do padis në Strasburg
Koloneli Dilaver Goxhaj, babai i Dritan Goxhajt

Koloneli Dilaver Goxhaj ka reaguar ashpër për arrestimin e djalit të tij Dritan Goxhajt, ish-ushtar i UÇK-së, i cili u arrestua në Tiranë për llogari të autoriteteve të Kosovës.

Dilaver Goxhaj tha se seanca e sotme u zhvillua pa prezencën e avokatit dhe me urgjencë të madhe. Arrestimin e të birit, ai e cilësoi si një shkelje të madhe dhe të paprecedentë.

Koloneli paralajmëroi në një intervistë për Igli Çelmetën se për çështjen e ish-ushtarit të UÇK-së do të dërgojë në Strasburg qeveritë e dy vendeve, të Shqipërisë dhe të Kosovës.

“Në sallën e gjyqit konstatova se ishin administruesit e administratës së Gjykatës së Kosovës. Pra, një gjyq pa prezencën e avokatit. Kjo ishte një befasi edhe për ne, edhe për djalin. Çfarë është kjo urgjencë kaq e madhe? Duket sikur Shqipëria duket si protektorat i Gjykatës Speciale, kjo bën inekzistente të gjitha strukturat e shtetit shqiptar. Si është e mundur që nuk njoftohet as avokati dhe as familja dhe askush tjetër?

I kërkoj gjykatës që ta bëjë me dyer të hapura. Është një shkelje e madhe që bëhet për djalin tim. I bëj thirrje qeverisë së Kosovës dhe Republikës së Shqipërisë që ta ndalojnë këtë rast. E them me bindjen e shpresën se kjo kërkesë do të merret parasysh. Avokati është në proces të përgatitjes që ta çojë në Strasburg për të hedhur në gjyq të dy qeveritë, për një shkelje kaq të madhe. Rast i paprecendentë”, theksoi Dilaver Goxhaj./ CNA

Lajmet e fundit nga