E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

“Të ndërpriten pagesat për inceneratorët”, Braimllari: SPAK të marrë të pandehur Veliajn

18 Gusht 2023, 13:30, Aktualitet CNA

“Të ndërpriten pagesat për inceneratorët”,

Endrit Braimllari

Nënkryetari i Partisë së Lirisë, Endrit Braimllari në një deklaratë për mediat kërkoi që SPAK-u të marrë të pandehur Erion Veliajn.

Sipas tij Erion Veliaj është përgjegjësi kryesor për megaaferën korruptive të inceneratorit të Tiranës dhe heshtja e tij tregon qartë përfshirjen e tij drejtpërdrejtë tek inceneratori i Tiranës.

Braimllari thotë se Veliaj dhe stafi i tij i ngushtë janë tërësisht të lidhur me koncesionin 30-vjeçar të inceneratorit të Tiranës.

Deklarata e plotë:

Erion Veliaj është përgjegjësi kryesor për megaaferën korruptive të inceneratorit të Tiranës. Heshtja e Erion Veliajt tregon qartë përfshirjen e tij drejtpërdrejtë tek inceneratori i Tiranës.

Firma e tij në kundërshtim me ligjin duke marrë kompetencat e Këshillit Bashkiak, duke dhënë miratimin për studimin e fizibilitetit e bën atë përgjegjësin e drejtëpërdrejtë të kësaj afere korruptive.

Erion Veliaj në bashkëpunim me drejtorët e tij është i përfshirë drejtpërdrejtë në procedurën për dhënien me koncesion të inceneratorit të Tiranës, i cili vazhdon të vjedhë çdo ditë qytetarët e Tiranës.

Erion Veliaj dhe stafi i tij i ngushtë janë tërësisht të lidhur me koncesionin 30-vjeçar të inceneratorit të Tiranës. Nga dita e parë që ky projekt mafioz filloi të zbatohej.

Erion Veliaj është përgjegjës për çdo pagesë që ka kryer Bashkia e Tiranës sepse ka qenë në dijeni të plotë që shërbimi që ofrohej nga inceneratori i Tiranës nuk ishte shërbimi që ishte parashikuar në kontratë. Por, Erion Veliaj vazhdon të paguajë 29 euro për ton.

SPAK duhet të ndalë sa më parë pagesat e Bashkisë së Tiranës dhe të gjithë bashkive të qarkut për një shërbim që nuk merret. Çdo ditë që kalon rëndon mbi xhepat e qytetarëve të Tiranës.

SPAK duhet të marrë sa më parë të pandehur kryetarin e Bashkisë së Tiranës, Erion Veliaj. Pasi çdo ditë që kalon këto veprime kriminale të kryera drejtëpërdrejt nga Erion Veliaj vazhdojnë të dëmtojnë çdo ditë qytetarët e Tiranës.

Inkurajojmë SPAK-un që të shkojë sa më shpejt të Erion Veliaj që së bashku me Edi Ramën kanë ideuar skemën korruptive të inceneratorit./ CNA