LEXO PA REKLAMA!

SHKARKO APP

E fundit!

x

Koncesioni i sterilizimit, Berisha: Fatura pritet të shkojë deri 160 milionë euro, vjedhja e dytë më e madhe e shekullit

18 Gusht 2023, 12:21, Aktualitet CNA
Koncesioni i sterilizimit, Berisha: Fatura pritet të shkojë deri 160
Ish-kryeministri Sali Berisha

Ish-kryeministri Sali Berisha në konferencën e përjavshme me gazetarët ka folur lidhur me aferën për koncesionin e sterilizimit.

Berisha tha se koncesionet në shëndetësi janë në të gjitha aspektet vjedhja e dytë më e madhe e shekullit.

Ai bëri me dije se fatura për koncesionin e sterilizimit në 5 vitet e para për shkak të vjedhjeve ka kushtuar 76 milionë euro dhe kjo faturë pritet të shkojë 150-160 milionë euro.

“Koncesionet në shëndetësi janë në të gjitha aspektet vjedhja e dytë më e madhe e shekullit. Fatura dysheme në kontrata për 10 vite shkon në 450 milionë euro apo 45.5 miliardë lekë. Por sipas zbatimit dhe vjedhjeve që bëhen gjatë zbatimit kjo faturë ka të gjitha potencialet të shkojë 900 milionë në shpatullat e shqiptarëve. Koncesioni i sterilizimit ishte parashikuar të kushtonte në 10 vite 80 milionë. Në 5 vitet e para për shkak të vjedhjeve ka kushtuar 76 milionë euro. Kjo faturë pritet të shkojë 150-160 milionë euro. Mbështetësi i vjedhjes së dytë të shekullit Beqaj dhe Rama janë të paprekshëm nga ligji.”/ CNA

Lajmet e fundit nga