E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Mikja e Veliajt “urdhër” Lapajt: Më jep llogari mua

17 Gusht 2023, 21:49, Aktualitet CNA

Evi Kokalari apo Evis Kokalari ose Evi Angelakis, e njohur dhe si mikja e kryebashkiakut Erion Veliaj, i ka kërkuar llogari aktivistit Adriatik Lapaj, se cilët janë amerikanët që e kanë zgjedhur dhe hedh akuza se Lapaj ka lidhje me fondacionin e George Sorosit.

Përmes një reagimi në rrjetet sociale, ku e sulmon Lapajn, ajo i kërkon edhe llogari se sa para ka marrë nga projektet e George Soros .

Ajo shkruan se Lapaj prej kohësh po ju shitet shqiptarëve sikur e kanë dërguar amerikanët ndërsa shprehet e bindur se kjo gjë është gënjeshtër.

“Adriatik Lapaj, zakonisht flet drejt dhe saktë, por një gjë më duhet të kuptoj, kur thua se të kanë zgjedhur Amerikanët, çfarë ke parasysh? Më specifikisht, cilët Amerikanë të kanë zgjedhur, Yuri Kim? Escobar? Kush në DASH sepse dua te flas pak me ta mbi këtë çështje. Fakti është që ke kohë që ju shitesh Shqiptarëve sikur të kanë dërguar Amerikanët, dhe jam shumë e sigurt që është një gënjeshtër, a thua se s’kanë probleme boll kështu siç janë. Por po të jap mundësinë të na sqarosh, përpara se të kontakoj Yuri Kim apo Escobar vetë.

Gjithashtu, brënda mundësive, më dërgo emrin e ‘programit’ apo konferencës që bëre në Ëashington DC. Dhe meqë jemi në temë, cilat jane lidhjet e tua me OJQ e George Sorosit? Sa projekte dhe para ke marrë nga organizatat e tij? Me cilin departament ke komunikuar? Të gjitha këto janë pyetje që kërkojnë përgjigje, sepse nëse Shqiptarët kanë nevojë për një gjë në këtë pikë ku janë, ajo është transparenca! Të falenderoj paraprakisht për përgjigjen” – shkruan Kokalari./

I kërkojmë zotit Llapaj ti japë urgjent llogari konservatores Kokalari që së shpejti mund ta kemi edhe sekretare shteti për mëmëdheun. Asgjë për Shqipërinë në SHBA nuk bëhet dhe nuk kalon pa lejen e saj, që ta dijë Llapaj e kushdo tjetër. /CNA