LEXO PA REKLAMA!

SHKARKO APP

Bardhi: SPAK të hetojë personat përgjegjës për korrupsionin në shëndetësi

17 Gusht 2023, 15:43, Aktualitet CNA

Bardhi: SPAK të hetojë personat përgjegjës për

Gazment Bardhi ka reaguar pas arrestimit të ish-zëvendësministrit të Shëndetësisë Klodian Rrjepaj dhe biznesmenit Ilir Rrapaj për koncensionin e sterilizimit.

Në reagimin e tij, Bardhi i bën thirrje SPAK-ut të hetojë personat përgjegjës për korrupsionin në Shëndetësi.

Sipas tij korrupsioni nuk është vetëm në koncesionin e sterilizimit, por shtrihet deri te koncesioni i "check up".

Korrupsioni, abuzimi me detyrën dhe shpërdorimi i fondeve publike, për klientë të parazgjedhur të Qeverisë së Edi Ramës është fenomen i shtrirë kudo në çdo segment të qeverisjes. Ai ka marrë tashmë tiparet e një modeli të përgjithshëm qeverisje që ka dëmtuar rëndë interesin publik.

Korrupsioni me kontratat publike në shëndetësi nuk është i izoluar vetëm te koncesioni i sterilizimit. Ai shtrihet nga koncesioni i 'check up'-it, e deri te kontratat sekrete për furnizimet në periudhën e pandemisë.

Duke përshëndetur SPAK dhe GJKKO për hapin e parë të hedhur sot për ndëshkimin e korrupsionit në Shëndetësi, duhet të gjithë bashkë të nxisim SPAK të hetojë me guxim dhe përgjegjshmëri personat real përgjegjës për këto abuzime. Edi Rama, Ilir Beqaj dhe Ogerta Manastirliu duhet të hetohen e ndëshkohen për miliona euro abuzime e vjedhje në kurriz të shëndetit dhe jetës së qytetarëve.

Askush mbi ligjin duhet të marrë formë çdo ditë pak nga pak, derisa të shndërrohet në model të drejtësisë që presin dhe duan qytetarët”, shkruan Bardhi./ CNA

Lajmet e fundit nga