LEXO PA REKLAMA!

SHKARKO APP

Berisha: McGonigal bashkëpunoi me Ramën

17 Gusht 2023, 12:21, Aktualitet CNA

Berisha: McGonigal bashkëpunoi me Ramën

Ish-kryeministri Sali Berisha në një deklaratë për mediat foli lidhur me pranimin e fajësisë së McGonigal dhe lidhjen e tij me Shqipërinë.

Berisha tha se veprimtarinë e tij kriminale McGonigal e ka zhvilluar dhe në Shqipëri në bashkëpunim me Edi Ramën me këshilltarin e Ramës dhe të tjerë.

"Këto ditë, mediat e mëdha në SHBA dhe kudo në botë, janë hapur përsëri me superskandalin e ish-shefit të kundërzbulimit të FBI për Nju Jorkun, McGonigal, i cili siç dihej, ndiqej penalisht për dy dosje. Në Nju Jork ai ndiqej për dosjen ruse dhe në Uashington për dosjen shqiptare.
Dy ditë më parë, Charles McGonigal pranoi fajësinë e tij se ka shkelur betimin, është korruptuar dhe ka tradhtuar FBI-në, pasi duke shfrytëzuar detyrën e besuar, mbikëqyrjen e oligarkut rus nën sanksione, Oleg Deripaska, të lidhur direkt me Putinin, ai ka bërë të kundërtën.

Ai në një akt të shëmtuar, është korruptuar me para nga Deripaska, është angazhuar kundrejt shumave të majme për heqjen e sanksioneve të Deripaskës, dhe për hetimin për vendosjen e sanksioneve ndaj rivalit të tij, një biznesmeni rus. Në dosjen e Nju Jorkut, McGonigal ka pranuar fajësinë edhe për akuzën për larje parash dhe gjykatësi i Nju Jorkut ka shpallur se në dhjetor të këtij viti do të njoftojë vendimin që për këto dy akuza shkon nga 5 deri në 20 vite. Mediat lajmërojnë se avokati i McGonigal po punon me prokurorin e Uashingtonit për pranimin e fajësisë edhe për dosjen shqiptare.

Veprimtarinë e tij korruptive kriminale, përveç Nju Jorkut, McGonigal e ka zhvillur në Shqipëri në bashkëpunim me Edi Ramën, këshilltarin e tij privat, Dorian Duçka, Agron Nezën, ish-ministrin Damian Gjiknuri dhe persona të tjera."/ CNA

Lajmet e fundit nga